Sosue 3:11 - Tosi Tapu

¹¹ Ko leinei, e fakalaka loa le aleka o le fakapapau o le Aliki o le malama nei katoa i le Solotane i mua o koutou.

Sosue 3:11 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Sopo 41:11

E ulu se afu mei ona pogoiisu, Ofaipe se kulo vai leia kua pula, ofaipe se kulo kua kaka.

Pesalemo 24:1

Pesalemo a Tavite. A le Eteleno le kele mo nea fuli e maua i ai ; Le malama nei mo latou fuli e nonofo i ai !

Pesalemo 97:5

E okioki a mauga ofaipe se fa silo i mua o le Eteleno, I mua o le Aliki o le malama nei katoa.

Esaia 3:12

Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Selemia 10:7

Ko ai e leaise i loa kiate koe, sau o atu puleaga ? Ko koe leia e tonu ke fai ki ai le i ; Talie e leaise tatau se tasi mo koe I le kau poto fuli o atu puleaga ti mo olatou puleaga fuli.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Sakalia 6:5

Na tali mai loa le aselo kiate au : Ko matagi ana e fa o le lagi, ala e ulu mei le ganea leia e lotou tutuu ai i mua o le Aliki o le malama nei katoa.

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.