Sosue 3:1 - Tosi Tapu

¹ Na tuu ake loa Sosue i le mafoata, a ia mo fanau fuli o Iselaele. Ti na lotou mavae loa i Sitime, o lotou ano loa o kaku ki le Solotane. Ti na lotou nonofo loa i ai i le pouli, i mua o le fakalaka i le Solotane.

Sosue 3:1 ပူးပေါင်းရင်းမြစ်များ

Senesi 21:14

Na tuu ake loa Apalaamo koi usu ; ti na too loa e ia se pane mo se fagu vai o soli kia Akale, o teki ki lona tuauma ; ti na toe soli loa e ia kiate ia le tama, ti na kakau loa e ia Akale ke ano. Na ano loa Akale, ti na sese loa a ia i le toafa o Pele-Sepa.

Senesi 22:3

Na tuu ake loa Apalaamo i le pogipogi usu, o teuteui lana asino, ti na too loa e ia ni tagata fakasausau e toka lua ke ano mo ia, ti mo lona vosa ko Isaake. Na taisi loa e ia se fafie ki le sakilifisio, ti na ano loa a ia ki le ganea leia na pati ki ai le Atua.

Pesalemo 119:60

E kau fakavilivili, e leaise kau toe talitali O fai au fakatotonu.

Selemia 25:3

Talu mei le fetuu kau agafulu tupu tolu o Sosiasi, sau o Suta, vosa o Amone, o kaku mai ki le aso nei, kua fetuu kau lua tupu tolu talu mei le tuku mai e le Eteleno lana folafola kiate au. Na kau masau kia koutou, ti na kau masau kia koutou koi usu, kae na leaise kotou fakalogo.

Selemia 26:5

Ke fakalogo ki folafola a aku tagata fakasausau, le kau polofeta, ala na kau kakau atu kia koutou, ala na kau kakau atu kia koutou koi usu ti na leaise kotou fakalogo kia latou,

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Mikea 6:5

Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Maleko 1:35

I le usu, koi fakapouli ai, na tuu ake loa a ia, o ano ki se ganea lavaki, leia na faikole ai loa a ia.

Sosue 2:1

Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 6:12

Na tuu ake loa Sosue i le mafoata, ti na toe amo loa e le kau tagata faisakilifisio le aleka o le Eteleno.

Sosue 6:15

I le fitu o aso, na lotou tutuu ake loa i le mafoata, ti na lotou fai loa le foli takai o le kolo o mulimuli ki le fakaanoano masani, o tua fitu. Ko le aso lena e tasi na lotou fai ai loa o tua fitu le foli takai o le kolo.

Sosue 7:16

Na tuu ake loa Sosue i le mafoata, ti na fakafeofi ake loa e ia ki mua o le Eteleno a fanau a Iselaele i faasiga, ti na filifili loa e ia le faasiga o Suta.

Sosue 8:10

Na tuu ake loa Sosue i le mafoata o tanaki lana kau solia, ti na saele loa a ia ki Ai, i mua o le kakai, a ia mo le kau fakamatuatua o Iselaele.

Tuifakamaau 20:19

I le usu, na tuu ake loa a fanau a Iselaele ki aluga o pale, ti na lotou fakatuu loa lolatou nofolaga tau i mua o Kipea.

Uluaki tosi a Samuele 17:20

Na tuu ake loa Tavite i le mafoata. Na tuku loa e ia a ovi ki se tagata leo, ti na too loa e ia lana kavega, o ano loa, o mulimuli ki le nea leia na fakatotonu e Isaia kiate ia. Na kaku loa a ia ki le nofolaga tau, o tautonu atu mo le fakaatu a le solia ke tau mo kalaga.