Sosue 24:7 - Tosi Tapu

⁷ Na tagi loa okoutou tamana ki le Eteleno. Ti na tuku loa e le Eteleno se fakapouli i le vasa o koutou mo le kau Esipito, ti na aumai loa e ia kia latou le tai, o lotou lomakia ai loa. Na tio okoutou mata ki le nea leia na kau aga o fai ki le kau Esipito. Ti na kotou nonofo loa i le toafa o fualoa.

Sosue 24:7 ပူးပေါင်းရင်းမြစ်များ

Ekesote 14:10

Na fakafeofi loa Falaone kia latou. Ti na tio loa fanau a Iselaele, ti ko leinei kua au le kau Esipito i olatou muli. Ti na i lasi loa fanau a Iselaele, ti na lotou kalaga loa ki le Eteleno.

Ekesote 14:20

Na tuu loa le ao i le vasa o le kau tau a le kau Esipito mo le kau tau a le kau Iselaele. Na fakapouli le ao lena i le tasi fetuu, ti na fakamalama e ia i leia ake fetuu le pouli. Ti na leaise mafai loa ke fakafeofi a kau tau e lua i le po katoa.

Ekesote 14:31

Na tio loa Iselaele ki le lima makeke o le Eteleno leia na vilo ki le kau Esipito. Ti na i loa le kakai ki le Eteleno, ti na tui loa a ia ki le Eteleno mo Moisese, lana tagata fakasausau.

Tetelonome 1:46

Koia na kotou nofo fualoa ai loa, io, o fualoa veli ai, i Katesi-Palenea.

Tetelonome 2:14

Ko le fualoa o le temi leia na tou saele ai mei Katesi-Palenea o kaku ki le fakalaka i le liua o Seleti ko fetuu e kau tolu tupu valu, o kaku ki le puli o le tautupu katoa o tagata tau, o mulimuli ki le fakapapau leia na fai e le Eteleno kia latou.

Tetelonome 29:2

Na tanaki loa e Moisese a Iselaele katoa, o pati kia latou : Kua kotou tio ki nea fuli ala na fai e le Eteleno i okoutou mata, i le fenua o Esipito, kia Falaone, mo ana tagata fakasausau, mo lona fenua katoa.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Epelo 3:17

Ti ko ai ma latou ala na ita loa ki ai le Atua i le lolotoga o fetuu e kau fa ? Pe leaise ko latou ala na agasala loa, ti na vivilo loa olatou tino o mamate i le toafa ?

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.