Sosue 24:2 - Tosi Tapu

² Na pati loa Sosue ki le kakai katoa : Ko leinei le folafola a le Eteleno, le Atua o Iselaele : Na nonofo okoutou tamana, a Telake, tamana o Apalaamo mo tamana o Nakole, i mua i le kauvai o le vaitafe lasi ko le Eufalate, ti na lotou tausi ki ni atua kese.

Sosue 24:2 ပူးပေါင်းရင်းမြစ်များ

Senesi 11:22

Ko Seluki, i lona fetuu kau tolu, na fakatupu ia loa Nakole.

Senesi 11:24

Ko Nakole, i lona fetuu kau lua tupu iva, na fakatupu ia loa Telake.

Senesi 11:26

Ko Telake, na fetuu kau fitu, na fakatupu ia loa Apalamo, mo Nakole, mo Alane.

Senesi 11:27

Ko leinei le sakoga o Telake : Ko Telake na fakatupu ia loa Apalamo, mo Nakole, mo Alane. Na fakatupu loa e Alane a Lote.

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Senesi 31:30

Ko leinei, kua ke ano talie kua ke mamae ki le fale o lou tamana, kolea na ke kaia ai oku atua ?

Senesi 31:32

Kae ke mate leia e ke maua ai loa ou atua ! I mua o ota fetaina, afa i loku fale katoa au nea fuli, ti ke too latou. Na leaise iloa e Sakopo na kaia latou e Lasele.

Senesi 31:53

Ke tuu le Atua o Apalaamo mo Nakole ko le tui fakamaau ia taua. Na fakapapau loa Sakopo i le suafa o le Atua leia na i ki ai Isaake.

Senesi 35:4

Na lotou tuku loa kia Sakopo a atua kese fuli ala na maua ia latou, mo sau ala na piki i olatou taliga. Ti na tanu loa e Sakopo a nea ana i lalo o le laakau lasi leia e ofi ki Siseme.

Uluaki tosi o Koloniko 1:27

mo Apalamo leia ko Apalaamo.

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esekiele 16:3

E ke pati loa : E folafola le Aliki, le Eteleno, ki Selusalemi : Na fakatupu a koe ti na fanaui a koe i le fenua o Kanaane ; ko lou tamana ko se tagata Amole, ti ko lou tinana ko se fafine Eti.

Luka 3:34

vosa o Sakopo, vosa o Isaake, vosa o Apalaamo, vosa o Telake, vosa o Nakole,

Tetelonome 26:5

Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.