Sosue 23:8 - Tosi Tapu

⁸ Kae ke kotou pipiki ki le Eteleno toka tasi, lokoutou Atua, ofaipe lakotou fai o kaku mai ki le aso nei.

Sosue 23:8 ပူးပေါင်းရင်းမြစ်များ

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Sosue 22:5

Ke kotou tokaga fua o tausi ti mo fai a fakatotonu mo lao ala na tuku atu kia koutou e Moisese, tagata fakasausau a le Eteleno. Kotou alofa ki le Eteleno, lokoutou Atua, kotou saele i ona ala fuli, kotou tausi ana folafola, kotou pipiki kiate ia, ti kotou tausi kiate ia i lokoutou loto katoa mo lokoutou laumalie katoa.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Tetelonome 13:4

Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 11:22

Talie kapau e kotou tausi loa a folafola fuli anei e kau tuku atu kia koutou, ti kapau e kotou alofa loa ki le Eteleno, lokoutou Atua, ti kapau e kotou saele loa i ona ala fuli, ti kapau e kotou pipiki loa kiate ia toka tasi,

Tetelonome 4:4

Kae ko koutou, ala na pipiki loa ki le Eteleno, lokoutou Atua, koi kotou mauli fuli i le aso nei.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 23:9

Kua kapu e le Eteleno i okoutou mua ni puleaga lalasi mo makeke ; ti na leaise tasi fua na toe mafai ke tuu i okoutou mua.

Lua tosi o Sau 18:6

Na pipiki a ia ki le Eteleno, ti na leaise maliu kese loa a ia mei le Eteleno, ti na tausi e ia a fakatotonu ala na tuku e le Eteleno kia Moisese.

Tetelonome 8:20

Io, e kotou mamate loa ofaipe puleaga ala na tamate e le Eteleno i okoutou mua, talie na leaise kotou fakalogo ki le leo o le Eteleno, lokoutou Atua.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.