Sosue 23:7 - Tosi Tapu

⁷ Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 23:7 ပူးပေါင်းရင်းမြစ်များ

Lua tosi o Sau 17:12

Na lotou tausi ki taulaatua ala na pati ki ai le Eteleno : E leaise kotou fai loa le nea lena.

Lua tosi o Sau 5:18

Ko leinei fua le nea leia e kau kole ki le Eteleno ke fakamolemole mai ki lau tagata fakasausau. Ka ulu loa loku pule ki le fale o lona atua ko Limoni o tulolo i ai, ti ka falanaki loa a ia ki loku lima, e kau toe tulolo foki i le fale o Limoni. Ke alofa le Eteleno o fakamolemole ki lau tagata fakasausau, mo ka e kau tulolo loa i le fale o Limoni !

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Pesalemo 16:4

E liuliuga a taulaatua, e makape i muli o atua matapule : E leaise kau liligi alatou lipasio toto, E leaise kau too olatou igoa i oku laugutu.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 23:13

E kotou taupau loa a nea fuli ala kua kau fakasa kia koutou, ti aua na kotou puaki ia loa se igoa o se atua kese : ke aua na sa i lou gutu lona igoa.

Ekesote 23:33

E leaise lotou nofo loa i lou fenua, talie ke aua na lotou fakasalai loa a koe o ke agasala ai loa kiate au ; talie kapau e ke tausi loa ki olatou atua, ti e liliu loa le nea lena ko se masele kiate koe.

Taagapati 4:14

Aua na ke ulu ki le ala o le kau agaveli, Ti aua na ke saele i le ala o tagata agasala.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Oseo 2:17

I ai, e kau soli loa kiate ia ona faisaga vite mo le vaivailiua o Akole, ofaipe se matapa o le amanaki malie ; i ai, e sua loa a ia ofaipe lona temi ikiiki, ofaipe le temi leia na pale mai ai a ia mei le fenua o Esipito.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Numelo 32:38

mo Nepo, mo Paale-Meoni, mo Sipima, ti na lotou tuku loa ni igoa foou ki kolo ala na latou toe lagai.

Numelo 33:55

Kae kapau e leaise kotou kapu loa i okoutou mua a kakai fuli o le fenua, ti ko latou ala e kotou tuku loa ke mauli e fai loa pe ni vao sukisuki ki okoutou mata mo ni laakau talatala ki okoutou vakavaka. E lotou fakafiu ia loa koutou i le fenua lena ka kotou nonofo ai loa.

Uluaki tosi ki le kau Kolinto 15:33

Aua na kotou fai sala : E maumaui e kaukaunea veveli a aga malilie.

Efeso 5:11

kae aua na kotou kau ki gaoi lee fua a le fakapouli, kae kotou aumai latou ki le malama.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Tetelonome 6:14

Ke aua na kotou ano loa ki ni iki ake atua kese, ki atua o puleaga ala e nonofo i okoutou tafatafa ;

Sosue 23:12

Kapau e kotou titua loa kiate ia, o pipiki loa ki le toega o puleaga ala koi nonofo ia koutou, ti kapau e kotou fakatasi loa mo puleaga ana i ni avaga, ti kapau e kotou filo loa mo latou,

Sosue 23:8

Kae ke kotou pipiki ki le Eteleno toka tasi, lokoutou Atua, ofaipe lakotou fai o kaku mai ki le aso nei.