Sosue 22:9 - Tosi Tapu

⁹ Na toe liliu loa a vosa o Lupeni, mo Kate, mo le vaelua o Manase, ki olatou falela. Na lotou poloaki loa mo la ake fanau a Iselaele i Silo, i le fenua o Kanaane. Ti na lotou ano loa ki le fenua o Kalaate, fenua leia na soli kia latou, o mulimuli ki le fakatotonu a le Eteleno leia na tuku e Moisese.

Sosue 22:9 ပူးပေါင်းရင်းမြစ်များ

Lua tosi a Samuele 2:9

Ti na fakanofo loa e ia a ia ke sau ki Kalaate, mo Asele, mo Siseleele, mo Efalaimi, mo Pesamino, mo Selusalemi katoa.

Uluaki tosi o Koloniko 5:9

i le potu esite, na nofo a ia o kaku ki le kamataaga o le toafa mei le vaitafe ko Eufalate, talie na lasi ai alatou kau manu i le fenua o Kalaate.

Pesalemo 60:7

O tupu ke saofaki ou alofaaga, Ke ke fakamauli ki lou lima atamai, ti ke ke tali matou !

Numelo 32:1

Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Numelo 32:20

Na pati loa Moisese kia latou : Kapau e kotou fai loa le masau lena, kapau e kotou too loa akoutou masafu, o tau i mua o le Eteleno,

Numelo 32:22

ti kapau e kotou toe liliu loa i le oki o le fakalogo o le fenua lena ki le Eteleno, e kotou lauatea loa i mua o le Eteleno mo Iselaele, ti e liliu loa le fenua leinei ko lokoutou tofiga i mua o le Eteleno.

Numelo 32:26

E nonofo loa amatou fanau, mo omatou fafine, mo amatou kau manu lalasi mo omatou kau manu liliki i kolo o Kalaate.

Numelo 32:29

Na pati loa a ia kia latou : Kapau e too loa e vosa o Kate mo vosa o Lupeni alatou masafu, o fakalaka i le Solotane mo koutou, ti kapau e lotou tau loa i mua o le Eteleno, ti kapau e fakalogo loa le fenua kia koutou, ke kotou soli loa kia latou le tofiga o le fenua ko Kalaate.

Tetelonome 3:18

I le temi lena na kau tuku loa kia koutou le fakatotonu leinei : Ko leinei, kua soli loa e le Eteleno, lokoutou Atua, kia koutou le fenua leinei e tuu i le fetuu esite o le Solotane ; ke too loa e tagata tau fuli o koutou alatou masafu, o fakalaka i le Solotane i mua okoutou fetaina, ala ake fanau a Iselaele.

Tetelonome 3:20

o kaku ki le tuku loa e le Eteleno o le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua, i le fetuu uesite o le Solotane. I le aso lena e feala loa ke kotou toe liliu ki okoutou tofiga i le fenua leia kua kau soli atu kia koutou.

Tetelonome 34:1

Na pale loa Moisese mei le toafa o Moape ki le mauga o Nepo, ki le tumutumu o Pisika, leia e tuu i mua o Seliko. Na fakatio loa a ia e le Eteleno ki le fenua katoa :

Sosue 13:11

mo Kalaate, mo le fenua o le kau Kesuli mo le kau Maaka, mo le mauga katoa o le Elemoni, ti mo le Pasani katoa, o kaku ki Salaka ;

Sosue 13:25

Na lotou maua loa Saesele, mo kolo fuli o Kalaate, mo le vaelua o le fenua o le kau Amone o kaku ki Aloele, i mua o Lapa,

Sosue 13:31

mo le vaelua o Kalaate, mo Asetaloti mo Etelei, kolo o le puleaga o Oki i Pasani, ala na soli loa ki vosa o Makile, vosa o Manase, ki le vaelua o vosa o Makile, o mulimuli ki olatou famili.

Sosue 22:10

I lalatou kaku loa ki le kauvai o le Solotane, leia e kau ki le fenua o Kanaane, na fakatuu loa e vosa o Lupeni, mo Kate, ti mo le vaelua o Manase, se aletale i tafa o le Solotane, se aletale leia na lasi ai ki mata.

Tuifakamaau 20:1

Ko fanau fuli o Iselaele, mei Tane o kaku ki Pele-Sepaki ti mo le fenua o Kalaate, na fakatasi loa i se loto e tasi i mua o le Eteleno, i Misipa.

Tuifakamaau 5:17

Ko Kalaate i le fetuu esite o le Solotane na leaise mavae fua i lona nofoaga. Kolea na nofo ai a Tane i ona vaka fai koloa ? Na tonatona Asele i le mata tai, Ti na malolo a ia i ona taulaga vaka.