Sosue 22:8 - Tosi Tapu

⁸ ti na pati loa a ia kia latou : Ke kotou toe liliu la ki okoutou falela mo ni koloa lasi, mo ni kau manu lasi, mo ni paaga lasi, mo ni aulo, mo ni kapa, mo ni ukamea ti mo ni teu. Ke kotou vae loa mo okoutou fetaina a koloa ala na maua mei okoutou fili.

Sosue 22:8 ပူးပေါင်းရင်းမြစ်များ

Uluaki tosi o Koloniko 5:9

i le potu esite, na nofo a ia o kaku ki le kamataaga o le toafa mei le vaitafe ko Eufalate, talie na lasi ai alatou kau manu i le fenua o Kalaate.

Lua tosi o Koloniko 17:5

Na fakamakeke loa e le Eteleno le puleaga i lima o Sosafate, ti na fai loa e Suta katoa ni nea alofa kiate ia, koia na maua ai loa e Sosafate ni koloa mo se kololia o lasi ai.

Lua tosi o Koloniko 32:27

Na maua loa e Esekiasi ni koloa lasi mo le kololia. Na fai loa e ia kiate ia ni fale ke tanaki ai le siliva, mo le aulo, mo fatu mauiga, mo nea fakamanogi, mo paletau, ti mo nea fuli ala na feala ke oli ki ai ;

Pesalemo 68:12

E tuku e le Aliki se folafola, Ti ko le kau fafine avelogo malilie e faipe se kau solia :

Taagapati 3:16

I lona lima atamai e maua ai le mauli fualoa, I lona lima sema e maua ai le koloa ti mo le kololia.

Numelo 31:27

Fai e koe ni vaega e lua, ko le tasi vaega kia latou ala na kau i le tau, ti ko le tasi vaega ki le toega o le kakai.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Epelo 11:26

Na tio loa a ia ki le matagafua o Kilisito ofaipe se koloa leia e lasi ake i koloa o Esipito, talie na pipiki ona mata ki le fakapale.

Uluaki tosi a Samuele 30:16

Na taki loa e le tagata a Tavite o kaku ki le kau Amaleke. Ti ko leinei, kua mavetevete le kau Amaleke i le potu fenua lena, o kai, mo inu ti mo mako, o tupu ko le lasi o koloa leia kua lotou maua mei le fenua o le kau Filisitini mo le fenua o Suta.

Uluaki tosi a Samuele 30:24

Ti ko ai ka tokaga loa kia koutou i le nea lena ? E tonu ke tatau le vaega o leia na ifo ki le tau mo leia na nofo mo kavega : na lotou vae fakatatau loa a koloa.