Sosue 22:30 - Tosi Tapu

³⁰ I le logo a le tagata faisakilifisio ko Finesi, mo pule o le kakai, ti mo pule o tino afe o Iselaele ala na ano mo ia, ki masau ala na fakasa e vosa o Lupeni, mo vosa o Kate, ti mo vosa o Manase, na latou tokamalie katoa loa.

Sosue 22:30 ပူးပေါင်းရင်းမြစ်များ

Senesi 28:8

Ti na matala loa Esau ki le veli o taineliki o Kanaane ki le loto o lona tamana ko Isaake.

Lua tosi o Koloniko 30:4

Na fimalie loa ki le nea lena le sau mo le fakatasiga katoa,

Esitele 1:21

Na malie loa le tonu lena ki le sau mo le kau aliki, ti na fai loa e le sau o mulimuli ki le masau a Memukani.

Taagapati 15:1

E fakafimalie le ita e se tali malu, Kae e fakaasilisili a ia e se masau fefeka.

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Sosue 22:29

Ke mamao ia matou le manatu ke motou patigataa ki le Eteleno ti ke motou tiaki le Eteleno i le aso nei, o fakatuu se aletale ke momoli ai ni failaulau, mo ni moliga, ti mo ni sakilifisio, kae tiaki le aletale o le Eteleno, lotatou Atua, leia e tuu i mua o lona nofoaga !

Sosue 22:31

Ti na pati loa Finesi, vosa o le tagata faisakilifisio ko Eleasale, ki vosa o Lupeni, mo vosa o Kate, ti mo vosa o Manase : E motou iloa i le aso nei e nofo le Eteleno i loto malie o tatou, talie ko lena na leaise kotou fai ia se agatuu ki le Eteleno. Ti kua kotou saofaki a fanau a Iselaele mei le lima o le Eteleno.

Sosue 22:33

Na tokamalie loa a fanau a Iselaele ; ti na lotou fakafetai loa ki le Atua, ti na leaise lotou toe masau loa ke pale mo alatou masafu o maumaui le fenua leia na nofo ai a vosa o Lupeni mo vosa o Kate.

Tuifakamaau 8:3

Kua tuku e le Eteleno ki okoutou lima a pule o Matiane ko Olepi mo Sepi. Ti kolea e kau mafai ia ke fakatatau mo koutou ? I le oki o lana masau lena kia latou, na puli loa lolatou ita kiate ia.

Uluaki tosi a Samuele 29:6

Na kalagai loa e Akise a Tavite, o pati kiate ia : E mauli le Eteleno, ko se tagata agatonu a koe, ti e malie ai ki oku mata ke ke feanoaki fakatasi mo au i le nofolaga tau, talie na leaise kau maua ia se nea veli iate koe talu lau kaku mai ki le aso nei ; kae e leaise malie a koe ki le kau pule.