Sosue 22:16 - Tosi Tapu

¹⁶ Ko leinei le nea leia na fakasa e le fono katoa a le Eteleno : Kolea kua kotou fai ai le sala lasi leinei ki le Atua o Iselaele ? Kolea kua kotou tiaki ai i le aso nei le Eteleno, o kotou fakatuu se aletale ke kotou fakafesagai ai i le aso nei ki le Eteleno ?

Sosue 22:16 ပူးပေါင်းရင်းမြစ်များ

Esetalasi 8:22

Talie na kau luma i le kole ki le sau ke tuku mai se solia mo ni osi ke puipui ia matou i le ala, talie kua motou pati ki le sau : E puipui loa e le lima o lomatou Atua latou fuli ala e afa ia a ia, kae e vilo loa lona makeke mo lona sausau kia latou fuli ala e tiaki ia a ia.

Levitiko 17:8

Ti e ke pati loa kia latou : Ka momoli loa e se tagata o Iselaele pe ko se tagata matapule leia e nofo i loto malie o latou se failaulau pe ko se tasi ake vikitima,

Numelo 32:15

Talie, kapau e kotou titua kiate ia, ti e toe soko atu loa e ia le fakaeva o Iselaele i le toafa, ti e mate loa le kakai leinei o tupu ko koutou.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Sosue 22:11

Na logo loa a fanau a Iselaele ki le masau : Ko leinei kua fakatuu loa e fanau o Lupeni, mo Kate, ti mo le vaelua o Manase, se aletale i le kauvai o le Solotane, i lotatou fetuu, i le fenua o Kanaane.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.