Sosue 22:10 - Tosi Tapu

¹⁰ I lalatou kaku loa ki le kauvai o le Solotane, leia e kau ki le fenua o Kanaane, na fakatuu loa e vosa o Lupeni, mo Kate, ti mo le vaelua o Manase, se aletale i tafa o le Solotane, se aletale leia na lasi ai ki mata.

Sosue 22:10 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 12:8

Ti na siki loa a ia i lena o ano ki le mauga, i le potu esite o Petele, ti na fakatuu loa e ia ona falela i le vasa o Petele i le potu esite mo Ai i le potu uesite. Na toe fakatuu loa e ia i lena se tasi aletale ki le Eteleno, ti na faikole loa a ia i le suafa o le Eteleno.

Senesi 28:18

Ti na tuu ake loa Sakopo i le usu, o too le fatu leia na uluga ki ai, ti na fakatuu loa e ia a ia ke liliu ko se fatu fakamaoki, ti na liligi loa e ia se lolo ki lona tumutumu.

Esaia 19:19

I le temi lena, e i ai loa se aletale ki le Eteleno I loto malie o le fenua o Esipito, Ti mo se nea fakamanatu ki le Eteleno i lona koiga.

Sosue 22:11

Na logo loa a fanau a Iselaele ki le masau : Ko leinei kua fakatuu loa e fanau o Lupeni, mo Kate, ti mo le vaelua o Manase, se aletale i le kauvai o le Solotane, i lotatou fetuu, i le fenua o Kanaane.

Sosue 22:9

Na toe liliu loa a vosa o Lupeni, mo Kate, mo le vaelua o Manase, ki olatou falela. Na lotou poloaki loa mo la ake fanau a Iselaele i Silo, i le fenua o Kanaane. Ti na lotou ano loa ki le fenua o Kalaate, fenua leia na soli kia latou, o mulimuli ki le fakatotonu a le Eteleno leia na tuku e Moisese.