Sosue 2:9 - Tosi Tapu

⁹ ti na pati loa a ia ki le sa tagata : E kau iloa kua tuku atu e le Eteleno kia koutou le fenua leinei ; ti kua vilo kia matou le i kia koutou, ti kua loto gaegae le kakai fuli o le fenua leinei, o tupu ko koutou.

Sosue 2:9 ပူးပေါင်းရင်းမြစ်များ

Senesi 35:5

Ti na lotou ano loa. Na mafola loa le i ki le Atua i kolo fuli ala na ofi kia latou, ti na leaise tuli loa e se tasi a vosa o Sakopo.

Lua tosi a Samuele 17:10

Ti ko le tagata leia e loto toa ofaipe se laione, e gaegae loa ; talie e iloa e Iselaele ko se toa lou tamana ti e nofo a ia mo ni tagata toa.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Lua tosi o Sau 7:6

Na fakagugulu e le Aliki i le loto o le nofolaga tau o le kau Silia se logoa o ni kau saliote ti mo se logoa o ni kau osi, le logoa o se fa solia api ai, ti na femasauaki loa le kau Silia ia latou : Ko leinei, kua totogi e le sau o Iselaele a sau o le kau Eti mo sau o le kau Esipito ke au o taui tatou.

Neemia 6:16

I le logo omatou fili fuli ki le nea lena, na i loa a puleaga fuli i omatou tafatafa, ti na lotou luma lasi loa, o tupu na lotou iloa loa kua soko le gaoi i le finegalo o lomatou Atua.

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Pesalemo 112:10

E tio ki ai le tagata agaveli, ti e itaita a ia ; E gugu e ia ona nifo, ti e okioki a ia ; E pupuli noa a oli o le kau agaveli.

Pesalemo 115:16

Ko le atu lagi ko le atu lagi a le Eteleno, Kae na soli e ia le kele ki vosa o le tagata.

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Ekesote 23:27

E kau kakau loa i ou mua le i kiate au : e kau kapu loa a kakai fuli ala e kotou taui loa, ti e kau fakasosola loa ou fili fuli i ou mua.

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Esaia 23:5

Ka iloa loa le logo e le kau Esipito, E lotou lulu loa i le logo ki le vilo o Tile.

Selemia 27:5

Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Naume 2:10

Kotou kaia le siliva ! Kotou kaia le aulo ! E ia ni koloa lee oki, Ni koloa mauiga kesekese.

Numelo 20:14

Mei Katesi, na kakau loa e Moisese ni tagata avelogo ki le sau o Etome, o pati kiate ia : Ko leinei le masau o lou taina ko Iselaele : E ke iloa a mamae fuli ala na motou felavei ia.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Mateo 20:15

Pe se taga kiate au ke kau fai ki loku koloa o mulimuli ki le nea leia e kau loto ki ai ? Pe ke tio fakaveli ki loku agamalie ?

Tetelonome 11:25

E leaise toe tuu loa se toka tasi i ou mua. Ko le Eteleno, lokoutou Atua, e fakamafola ia loa, o mulimuli ki lana pati, le i mo le fakaapaapa kiate koe i le fenua katoa leia e kotou saele loa i ai.

Tetelonome 2:25

I le aso nei e kau kamata fakamafola loa le i mo le fakaapaapa kiate koe i puleaga fuli o le lalo lagi. Ka lotou logo loa ki le masau kiate koe, ti e lotou lulu loa i le i mo le tuania i ou mua.

Tetelonome 28:10

E tio loa a kakai fuli o le malama nei kua fakatapui a koe ki le Eteleno, ti e lotou fakaapaapa loa kiate koe.

Tetelonome 32:8

I le aso leia na soli ai e le Taualuga se tofiga ki atu puleaga, I le aso leia na fakamavaevae ai e ia a fanau a Atama, Na fakatuu loa e ia a koiga o puleaga ; Ti na tuku loa e ia ke fakalogo a puleaga ki fanau a Iselaele,

Epelo 11:31

Ko le tui leia na leaise mate ai loa Laape, le fafine faiaga, mo latou ala na leaise tui, talie na tali malie e ia le sa esipio Iselaele.

Sosue 2:11

Na motou logo ki nea ana, ti kua motou loto gaegae ai, ti e leai fua se tagata koi maua ia se ga makeke ke tau kia koutou, talie ko le Eteleno ko lokoutou Atua, e Atua a ia i aluga i le lagi, ti mo le malama nei i lalo.

Sosue 2:24

Na la pati loa kia Sosue : kua tuku maoki e le Eteleno ki otatou lima le fenua katoa. Talie kua loto gaegae le kakai katoa o le fenua, o tupu ko tatou.

Sosue 2:8

I mua o le momoe o tagata esipio, na pale loa Laape kia laua i le fata,

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.

Sosue 9:10

ti mo le nea na fai e ia ki sau e lua o le kau Amole ala na nonofo i le fetuu esite o le Solotane : Sioni, sau o Eseponi, mo Oki, sau o Pasani leia na nofo i Asetaloti.

Sosue 9:24

Na tali loa le kau Kapaone kia Sosue, o pati : Kua logo au tagata fakasausau ki fakatotonu a le Eteleno, lou Atua, ki lana tagata fakasausau ko Moisese, ke soli kia koutou le fenua katoa leinei, ti ke tamate ona kakai fuli i mua o koutou, ti na motou i lasi loa kia koutou ti na matou loto gaegae loa o uiga mo omatou mauli : ko le tupuaga a ia o lamatou fai le puleaki lena.

Sosue 9:9

Na lotou tali loa kiate ia : e au au tagata fakasausau mei se fenua mamao ai i le logo ki le logologona o le Eteleno lou Atua ; talie na motou logo masau kiate ia, ki nea fuli ala na fai e ia i Esipito,

Tuifakamaau 7:14

Na tali loa lona soa, o pati : Ko lona uiga e tasi : ko le seleta lena a Seteone, vosa o Soasi. Kua tuku e le Atua a Matiane mo le nofolaga solia katoa ki lima o Seteone.