Sosue 2:6 - Tosi Tapu

⁶ Na fakakake e ia laua ki le fata o le fale ti na taotao e ia laua ki ni fuiga kaui lino ala na tanaki i le fata.

Sosue 2:6 ပူးပေါင်းရင်းမြစ်များ

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Lua tosi a Samuele 17:19

Na too loa e le fafine o le kaiga lena se la o folasi i aluga o le sosoni, ti na veteki loa e ia i aluga ni fuai fulumeto ke aua na fakatokagai e se tasi se nea.

Uluaki tosi o Sau 18:13

Pe na leaise fakasa atu ki loku aliki le nea leia na kau fai i le temi leia na tamate ai e Sesapele a kau polofeta a le Eteleno ? Na kau fufu a kau polofeta e tino lelau a le Eteleno, o taki tino lima i se ana, ti na kau fagai latou ki le pane mo le vai.

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Lua tosi o Sau 11:2

Kae na too loa e Sosepa, taine o le sau ko Solame, tuagaane o Akasia, a Soasi, vosa o Akasia, o fufu mei vosa o le sau, i le temi leia na tamate ai latou : Na tuku loa e Sosepa a Soasi mo lona fafine taupau ki le kogafale leia na tanaki ai a palepale. Na saofaki loa i ai a Soasi mei lima o Atalia, o leaise mate a ia.

Ekesote 2:2

Na tinae loa le fafine lena, ti na fanaui loa e ia se tama. Na tio loa a ia e fulumalie le toe, ti na fufu loa e ia a ia i masina e tolu.

Selemia 36:26

Kae na fakatotonu loa e le sau kia Selasemeele, ko se tasi i le famili sau, mo Selasa, vosa o Aseliele, mo Selemia, vosa o Apeteele, ke lotou too Paluke, le sekalaipe, mo Selemia, le polofeta. Kae na fufu loa laua e le Eteleno.

Mateo 24:17

ko leia e nofo loa i le taufufu ke aua na ifo loa a ia, o too se nea i le loto fale ;

Tetelonome 22:8

Kapau e ke fakatuu ia loa se fale foou, e ke fau loa se a leia ke takatakai ia le ato, o tupu ke aua na maligi se toto ki lou fale, mo ka e vilo loa se tasi.

Kolose 3:3

Talie kua kotou mate, ti kua fufu lokoutou mauli mo Kilisito i le Atua.

Epelo 11:23

Ko le tui leia na fufu ai loa a Moisese, i lona tupu, e ona matua i masina e tolu, talie na la tio loa na fulumalie le toe, ti na leaise la i loa ki le fakatotonu a le sau.

Sakopo 2:25

Ko Laape, le fafine faiaga, pe na leaise fakamatatonu foki a ia i gaoi, i lana tali a tagata esipio ti mo lana fakasosola laua i se ala kese ?

Sosue 2:5

ti na toe ano tagata ana i le pouli, i le temi leia na tapono ai le matapa o le kolo, ti e leaise kau iloa pe na la ano ki fea. Kae kapau e kotou fakavilivili nei o tuli laua ti e kotou tapo loa laua.

Sosue 2:7

Na ano loa a tagata a le sau, o tuli le sa tagata i le ala o le Solotane, o kaku ki ona kauvai, ti na tapono loa le matapa i le mavae o le kau tuli.

Sosue 2:8

I mua o le momoe o tagata esipio, na pale loa Laape kia laua i le fata,

Sosue 6:25

Na tuku loa e Sosue le mauli ki le fafine faiaga ko Laape, mo lona famili katoa ti mo nea fuli na maua e ia. Na nofo loa Laape i loto malie o fanau a Iselaele o kaku mai ki le aso nei, o tupu na fakamumuni e ia a tagata ala na kakau e Sosue ke ano o tioi Seliko.