Sosue 2:4 - Tosi Tapu

⁴ Na too loa e le fafine le sa tagata o fakamumuni ; ti na pati loa a ia : E maoki na au a tagata ana ki loku fale, kae na leaise kau iloa ia le ganea leia na la au mei ai ;

Sosue 2:4 ပူးပေါင်းရင်းမြစ်များ

Lua tosi o Sau 6:19

Na pati loa Eliseo kia latou : E leaise ko le ala leinei, ti e leaise ko le kolo leinei ; kotou mulimuli mai iate au, ti e kau taki loa koutou ki le tagata leia e kotou afa ia. Ti na taki loa latou e Eliseo ki Samalia.

Ekesote 1:19

Na tali loa a fafine faifanau kia Falaone : E tupu e leaise tatau a fafine a le kau Epeleo mo fafine a le kau Esipito ; e lotou makeke ti e lotou fanau i mua o le kaku atu a le fafine faifanau.

Sakopo 2:25

Ko Laape, le fafine faiaga, pe na leaise fakamatatonu foki a ia i gaoi, i lana tali a tagata esipio ti mo lana fakasosola laua i se ala kese ?

Sosue 2:3

Na kakau loa e le sau o Seliko ke pati kia Laape : Ke ke fakamavae a tagata ala kua au kiate koe, ti kua ulu ki lou fale, talie na la au o tioi le fenua katoa.

Sosue 2:5

ti na toe ano tagata ana i le pouli, i le temi leia na tapono ai le matapa o le kolo, ti e leaise kau iloa pe na la ano ki fea. Kae kapau e kotou fakavilivili nei o tuli laua ti e kotou tapo loa laua.

Sosue 6:17

Ke maumaui loa le kolo mo nea fuli e maua i ai, talie kua fakatapui a ia ki le Eteleno. Kae e tuku loa le mauli ki le fafine faiaga ko Laape ti mo latou fuli ala e nonofo loa mo ia i lona loto fale, talie na fakamumuni e ia a tagata avelogo ala na tou kakau.

Sosue 6:25

Na tuku loa e Sosue le mauli ki le fafine faiaga ko Laape, mo lona famili katoa ti mo nea fuli na maua e ia. Na nofo loa Laape i loto malie o fanau a Iselaele o kaku mai ki le aso nei, o tupu na fakamumuni e ia a tagata ala na kakau e Sosue ke ano o tioi Seliko.