Sosue 2:24 - Tosi Tapu

²⁴ Na la pati loa kia Sosue : kua tuku maoki e le Eteleno ki otatou lima le fenua katoa. Talie kua loto gaegae le kakai katoa o le fenua, o tupu ko tatou.

Sosue 2:24 ပူးပေါင်းရင်းမြစ်များ

Ekesote 15:15

Kua sevaia a pule o Etome ; Kua lulu tagata tau o Moape ; Kua manava veli kakai fuli o Kanaane.

Ekesote 23:31

E kau fakatuu loa ou koiga mei le tai Kula o kaku ki le tai o le kau Filisitini, mei le toafa o kaku ki le vaitafe ; talie e kau tuku loa ki ou lima a kakai o le fenua, ti e ke kapu loa latou i ou mua.

Taagapati 25:13

Ofaipe le mokomoko o le nive i le temi tuuti o le fulumeto, E fenaaki le tagata avelogo agatonu ki leia e kakau ia a ia ; e fakafimalie e ia le loto o lona pule.

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.

Sosue 2:23

Na toe liliu loa a tagata esipio, ti na la ifo ake loa mei le mauga, o la fakalaka loa i le Solotane. Na la kaku loa kia Sosue, vosa o Nune, ti na la fakamatala loa kiate ia a nea fuli ala na soko kia laua.

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.

Sosue 8:1

Na pati loa le Eteleno kia Sosue : Aua na ke i, ti aua na ke loto gaegae ! too a tagata tau fuli, ti ke tuu ki aluga o ano o taui le kolo ko Ai. Tio, e kau tuku ki lou lima le sau o Ai mo lona kakai katoa, mo lona kolo, ti mo lona fenua.

Tuifakamaau 1:2

Na tali loa le Eteleno : E pale loa Suta, talie kua kau tuku le fenua ki ona lima.

Tuifakamaau 18:10

Ka kotou ulu loa ki ai, e kotou maua loa se kakai leia e nofo fakafulufulumalie. E lasi ai le fenua, ti kua tuku atu a ia e le Atua ki okoutou lima ; ko se ganea leia e leaise puli ai se nea fua e tasi i nea fuli ala e maua i le malama nei.

Tuifakamaau 7:9

Na pati loa le Eteleno kia Seteone i le po lena : Tuu ki aluga, ti ke ifo ki le nofolaga o Matiane, talie kua kau tuku atu a ia ki ou lima.