Sosue 2:22 - Tosi Tapu

²² Na la ano loa, ti na la kaku loa ki le mauga, leia na la nonofo ai loa i ni aso e tolu o kaku ki le toe liliu mai o latou ala na afa ia laua. Ko latou ala na tuli ia laua na afa ia loa laua i le fenua katoa lena, kae na leaise lotou maua laua.

Sosue 2:22 ပူးပေါင်းရင်းမြစ်များ

Lua tosi a Samuele 17:20

Na ulu loa tagata fakasausau a Apesalone ki le fale o le fafine lena, o pati : Kofea Asimaate mo Sonatane ? Na tali loa le fafine kia latou : Kua la fakalaka i le liua. Na lotou afa loa laua, kae na leaise lotou maua loa laua, ti na lotou toe liliu loa ki Selusalemi.

Sosue 2:21

Na pati loa le fafine : Ke fai o mulimuli ki nea ala kua kolua pati ki ai. Ti na tuku loa e le fafine a tagata esipio ke ano, ti na la ano loa. Na nonoa loa e le fafine le va kula ki le katupa.

Sosue 2:23

Na toe liliu loa a tagata esipio, ti na la ifo ake loa mei le mauga, o la fakalaka loa i le Solotane. Na la kaku loa kia Sosue, vosa o Nune, ti na la fakamatala loa kiate ia a nea fuli ala na soko kia laua.