Sosue 2:18 - Tosi Tapu

¹⁸ I le aso leia e motou kaku mai ai loa ki le fenua leinei, ke ke nonoa loa le va kula leinei ki le katupa leia ka ke fakaifo ai loa maua, ti ke ke fakatasii fuli loa ki ou tafa, i loto o lou fale, lou tamana, mo lou tinana, mo ou fetaina, ti mo lou famili katoa.

Sosue 2:18 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 7:1

Na pati loa le Eteleno kia Noe : Ulu ki le aleka, a koe mo lou famili ; talie kua kau tio e ke agatonu toka tasi i oku mua i le tautupu leinei.

Esitele 8:6

Talie e feaki loa laku tio ki le malaia leia ka soko loa ki loku kakai, ti e feaki loa laku tio ki le maumaui o loku lanu ?

Ekesote 12:13

Ti ko le toto, e liliu loa a ia kia koutou ko se fakamailoga i fale ala e kotou nonofo ai loa ; e kau tio loa ki le toto, ti e kau fakasili loa ia koutou, ti e leaise maumaui loa koutou e se tautea ke kotou mamate ai, mo ka kau taai loa le fenua o Esipito.

Katiko o Katiko 4:3

Ko ou laugutu e faipe se va kula, Ti e fulumalie lou gutu ; Ko lou kalaafau e faipe se vaelua o se fa kelenati, I muli o lou pulou.

Levitiko 14:4

Ti e fakatotonu loa e le tagata faisakilifisio ke aumai ni manu lele e lua mauli mo mea, ti mo se fafie sete, mo se fului ovi kula, ti mo se taulu isopa.

Numelo 19:6

E too loa e le tagata faisakilifisio se fafie sete, mo se taulu isopa, ti mo se fului ovi kula, ti e ti loa e ia latou ki loto malie o le afi leia e tutu ai le pipi fafine.

Numelo 4:8

E lotou folasi loa i aluga o nea ana se kie fului ovi kula, ti e lotou uufi loa a nea fuli ki se kie kilii kakaututuu ; ti e lotou fakapipiki loa a laakau amo o le laupapa tapu.

Luka 19:9

Na pati loa Sesu kiate ia : I le aso nei kua ulu le fakamauli ki le fale leinei, talie ko ia foki leinei ko se vosa a ia o Apalaamo.

Gaoi 10:27

Ti na koi masau a ia kiate ia, na ulu loa a ia ki fale, o maua se kakai toka api kua fakatasi i ai.

Gaoi 10:33

Ti na kau kakau atu aifai se tasi kiate koe, ti ko se nea malie ai lau au. Koia i le temi nei, kua motou nofo fuli i leinei i mua o le Atua, ke fakalogo ki nea fuli ala kua fakatotonu atu e le Aliki kiate koe ke fakasa mai kia matou.

Gaoi 11:14

leia e fakasa ia atu loa kiate koe a folafola ala e saofaki ai loa a koe mo lou fale katoa.

Lua tosi kia Timoteo 1:16

Ke liligi e le Aliki lona manavaalofa ki le fale o Onesifole, talie na fakapelepelei e ia loku loto o tua lasi, ti na leaise luma a ia ki oku tini ;

Epelo 9:19

Ko Moisese, i le oki o lana fakasa i mua o le kakai katoa a fakatotonu fuli o le lao, na too ia loa le toto o uviki pipi mo koti, mo se vai, mo se kie kula, mo se taulu isopa, ti na fai loa e ia le afusi ki le tosi lao totonu ti mo le kakai katoa, o pati :

Sosue 2:21

Na pati loa le fafine : Ke fai o mulimuli ki nea ala kua kolua pati ki ai. Ti na tuku loa e le fafine a tagata esipio ke ano, ti na la ano loa. Na nonoa loa e le fafine le va kula ki le katupa.

Sosue 6:23

Na ano loa a tagata esipio tupulaga ki le fale o Laape, ti na la fakamavae loa mei ai a Laape, mo lona tamana, mo lona tinana, mo ona fetaina ti mo nea fuli na maua e ia. Na la fakamavae loa mei ai lona famili katoa. Ti na la tuku loa latou ki se ganea saosaoa i tua o le nofolaga o Iselaele.

Sosue 6:25

Na tuku loa e Sosue le mauli ki le fafine faiaga ko Laape, mo lona famili katoa ti mo nea fuli na maua e ia. Na nofo loa Laape i loto malie o fanau a Iselaele o kaku mai ki le aso nei, o tupu na fakamumuni e ia a tagata ala na kakau e Sosue ke ano o tioi Seliko.