Sosue 2:12 - Tosi Tapu

¹² I le aso nei, ke kolua fakapapau mai kiate au, i le suafa o le Eteleno, e kolua toe liufaki loa ki loku famili se alofa e tatau mo leia na kau maua kia koulua. Ke kolua tuku mai kiate au se fakamailoga leia e fakasa ai loa lokoulua agatonu.

Sosue 2:12 ပူးပေါင်းရင်းမြစ်များ

Senesi 21:23

Fakapapau mai kiate au i le aso leinei, i le ganea leinei, i le suafa o le Atua, e leaise ke kakai loa au i se aso, pe ko aku fanau, pe ko fanau o aku fanau, ti e ke agamalie loa kiate au mo le fenua leinei leia e ke nofo ai, ofaipe loku agamalie kiate koe.

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 24:9

Na tuku loa e le tagata fakasausau lona lima ki lalo o le tega o Apalaamo, ko lona aliki, ti na fakapapau loa a ia kiate ia ke fai a nea fuli ana.

Senesi 40:14

Kae kau kole atu kiate koe, ke ke manatu mai loa kiate au, i le aso leia e ke manuia ai loa. Ke ke fakasa lou alofa kiate au, o masau kia Falaone o uiga mo au, ke kau mavae la i le fale pilisoni leinei ;

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Esitele 8:6

Talie e feaki loa laku tio ki le malaia leia ka soko loa ki loku kakai, ti e feaki loa laku tio ki le maumaui o loku lanu ?

Ekesote 12:13

Ti ko le toto, e liliu loa a ia kia koutou ko se fakamailoga i fale ala e kotou nonofo ai loa ; e kau tio loa ki le toto, ti e kau fakasili loa ia koutou, ti e leaise maumaui loa koutou e se tautea ke kotou mamate ai, mo ka kau taai loa le fenua o Esipito.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Maleko 14:44

Ko leia na fakatau ia loa a ia na tuku ia kia latou le fakamailoga leinei : Ko leia e kau sogi loa ki ai, ko ia ; kotou too a ia, o ave.

Loma 1:31

mo sala poto, mo sala taofi fakapapau, mo sala alofa fakatagata, ti mo sala manavaalofa.

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Sosue 2:13

Ke kolua fakapapau mai kiate au e kolua tuku loa ke mauli loku tamana, mo loku tinana, mo oku fetaina, mo oku tuagaane, mo nea fuli e lotou maua, ti e leaise kolua fakataga loa ke tamate matou.

Sosue 2:18

I le aso leia e motou kaku mai ai loa ki le fenua leinei, ke ke nonoa loa le va kula leinei ki le katupa leia ka ke fakaifo ai loa maua, ti ke ke fakatasii fuli loa ki ou tafa, i loto o lou fale, lou tamana, mo lou tinana, mo ou fetaina, ti mo lou famili katoa.

Sosue 2:19

Kapau e mavae kese loa se tasi mei lou fale, ti e pule loa a ia toka tasi ki lona mate ti e ma mea loa i le nea lena. Kae kapau e fafa loa ki se tasi leia e nofo mo koe i lou loto fale, ti e vilo loa lona toto ki oma ulu.

Sosue 6:22

Na pati loa a Sosue ki tagata e toka lua ala na ano o tioi le fenua : Kolua ano ki le fale o le fafine faiaga ti kolua fakamavae mei ai le fafine lena mo ana nea fuli e maua e ia, o fai ki le fakapapau leia na kolua fai kiate ia.

Sosue 9:15

Na fai loa e Sosue se sai o le tokamalie mo latou leia na tonu ai ke tuku loa e ia kia latou le mauli, ti na fakamaoki loa kia latou a pule o le fakatasiga.

Tuifakamaau 1:24

Na tio loa a tagata leo ki se tagata leia na ulu mei le kolo, ti na lotou pati loa kiate ia : fakasa mai kia matou le uluaga ki le kolo, ti e motou fakamauli loa a koe.

Uluaki tosi a Samuele 30:15

Na pati loa Tavite kiate ia : Pe mafai ke ke taki au ki le fa solia lena ? Ti na tali loa a ia : Fakapapau mai kiate au i le suafa o le Atua e leaise ke tamate loa au ti e leaise ke ave loa au ki loku pule, ti e kau taki loa a koe ki le solia lena.