Sosue 2:10 - Tosi Tapu

¹⁰ Talie kua motou logo na fakamasa e le Eteleno i okoutou mua a vai o le tai Kula, i le aso leia na kotou mavae ai i Esipito, ti mo le nea leia na kotou fai ki sau e lua o le kau Amole, ko Sioni mo Oki, ala na nonofo i le kauvai esite o le Solotane ti na kotou tamate.

Sosue 2:10 ပူးပေါင်းရင်းမြစ်များ

Pesalemo 74:15

Na ke fakatafe ni matapuna vai mo ni liua, Na ke fakamalo ni vaitafe ala na leaise mafai ke mamasa.

Numelo 20:14

Mei Katesi, na kakau loa e Moisese ni tagata avelogo ki le sau o Etome, o pati kiate ia : Ko leinei le masau o lou taina ko Iselaele : E ke iloa a mamae fuli ala na motou felavei ia.

Numelo 23:22

Na fakamavae latou e le Eteleno mei Esipito, E fai a ia kia latou pe le makeke o le pipi vao.

Numelo 24:8

Na fakamavae a ia e le Atua mei Esipito, Ti e fai a ia kiate ia pe le makeke o le pipi vao. E kai e ia a puleaga ala e malaga kiate ia, E gugu e ia olatou ivi, ti e tamate e ia latou ki ana gasau.

Tetelonome 2:30

Kae na leaise tali loa e Sioni, sau o Eseponi, ke motou fakalaka i lona fenua ; talie na fakafefeka loa e le Eteleno, lou Atua, lona ulu mo lona loto, o tupu ke tuku a ia ki lou lima, ofaipe lau tio ki ai i le aso nei.

Sosue 24:12

ti na kau kakau loa i okoutou mua ni lago utiuti, ala na kapu ia loa latou o mamao mei okoutou mata, ofaipe sau e lua o le kau Amole : na leaise fai a nea ana e okoutou seleta mo okoutou kalolo.

Sosue 4:24

Na fai e ia le nea lena ke iloa e kakai fuli o le malama nei e mafimafi le lima o le Eteleno, ti ke kotou fakaapaapa tuumau loa ki le Eteleno, lokoutou Atua.

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Sosue 9:10

ti mo le nea na fai e ia ki sau e lua o le kau Amole ala na nonofo i le fetuu esite o le Solotane : Sioni, sau o Eseponi, mo Oki, sau o Pasani leia na nofo i Asetaloti.