Sosue 2:1 - Tosi Tapu

¹ Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 2:1 ပူးပေါင်းရင်းမြစ်များ

Senesi 42:16

Kotou kakau se tasi ia koutou ke ano o afa mai lokoutou taina ; kae ko koutou ake ala, e kotou nonofo loa i le fale pilisoni. E asiasii ai loa akoutou masau, ti e kau iloa loa pe nofo le maoki ia koutou. Ti kapau e leai, i le mauli o Falaone, ko ni tagata kaka koutou.

Senesi 42:9

Na manatui loa e Sosefo a moe miti ala na fai e ia o uiga mo latou, ti na pati loa a ia kia latou : Ko ni tagata kaka koutou ; na kotou au ke tio ki ganea gagae o le fenua.

Mikea 6:5

Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Numelo 13:1

Na masau loa le Eteleno kia Moisese, o pati :

Numelo 13:2

Kakau loa ni tagata ke ano o tioi le fenua ko Kanaane leia e kau soli ki fanau a Iselaele. Kotou filifili loa se fa tagata i faasiga taki tasi o olatou tamana ; ko latou ko ni pule fuli loa.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Numelo 33:49

Na lotou fakatuu loa olatou falela i tafa o le Solotane, i le vasa o Pete-Sesimoti mo Apele-Sitime, i le fenua o Moape.

Mateo 1:5

ko Salamone na tupu ai Poase kia Laape ; ko Poase na tupu ai Opeto kia Lute ;

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Epelo 11:31

Ko le tui leia na leaise mate ai loa Laape, le fafine faiaga, mo latou ala na leaise tui, talie na tali malie e ia le sa esipio Iselaele.

Sakopo 2:25

Ko Laape, le fafine faiaga, pe na leaise fakamatatonu foki a ia i gaoi, i lana tali a tagata esipio ti mo lana fakasosola laua i se ala kese ?

Sosue 1:18

E tautea loa ki le mate a tagata fuli e fakatutuu loa ki lau lagiaki, ti e leaise fakalogo loa ki nea fuli e ke fakatotonu loa ki ai. Ko leia fua ke ke fakamakeke, ti mo ke loto toa !

Sosue 2:2

Na fakasa loa ki le sau o Seliko : Ko leinei, na tau mai ni tagata o Iselaele ki leinei i le po leinei o tioi le fenua.

Sosue 21:31

mo Elekati mo ona tua kolo, ti mo Leopi mo ona tua kolo, kolo e fa ;

Sosue 3:1

Na tuu ake loa Sosue i le mafoata, a ia mo fanau fuli o Iselaele. Ti na lotou mavae loa i Sitime, o lotou ano loa o kaku ki le Solotane. Ti na lotou nonofo loa i ai i le pouli, i mua o le fakalaka i le Solotane.

Sosue 5:10

Na nofo loa a fanau a Iselaele i Kilikale ti na lotou fai loa le Pasikate i le aso kau agafulu tupu fa o le masina, i le afiafi, i le fenua o Seliko.

Tuifakamaau 1:23

Na kakau loa e le fale o Sosefo ni tagata ke ano o sivisivi Petele, leia na igoa i mua ko Lusi.

Tuifakamaau 18:14

Ti na masau loa a tagata e toka lima ala na ano o tioi le fenua o Laisi, o pati loa ki olatou fetaina : Pe kotou iloa e i ai i fale anei se efoti, mo ni telafimi, mo se fakatata ta, ti mo se fakatata ukamea saka ? Ke kotou tio i le temi nei pe kolea le nea leia e tonu ke kotou fai !

Tuifakamaau 18:17

Ti na pale loa a tagata e toka lima, ala na ano o sivisivi le fenua, ti na lotou ulu loa ki le fale ; na lotou too loa le fakatata ta, mo le efoti, mo telafimi, ti mo le fakatata ukamea saka, kae tuu loa le tagata faisakilifisio i mua o le matapa mo le kau tagata e tino lelau ono ala na too ia alatou masafu tau.

Tuifakamaau 18:2

Na filifili loa e vosa o Tane ia latou ni tagata loto makeke e toka lima, ala na lotou kakau loa mei Solea mo Esitaoli, ke tioi ia le fenua ti mo sivisivi a ia. Na lotou pati loa kia latou : Kotou ano, ti kotou sivisivi loa le fenua. Na lotou kaku loa ki le mauga o Efalaimi, ti na lotou tutuu loa i le fale o Mika, ti na lotou nonofo loa i le ganea lena i le pouli.