Sosue 19:9 - Tosi Tapu

⁹ Na too loa le tofiga o vosa o Simeone i le tofiga o vosa o Suta ; talie na ua lasi ai le tofiga o vosa o Suta kia latou : koia na tuku ai loa ki vosa o Simeone se tofiga i loto malie o le tofiga o vosa o Suta.

Sosue 19:9 ပူးပေါင်းရင်းမြစ်များ

Senesi 49:7

Ke malaia lola ita, talie na veli ai lola ita ! Ke malaia lola itaita, talie na tukipo a ia ! Koia e kau fakamavaevae ai loa laua i le fenua o Sakopo, Ti e kau veteki loa laua i le fenua o Iselaele.

Ekesote 16:18

Na fua loa ki le omele ; ti ko le tagata leia na lasi lana tae na leaise maua e ia se nea leia e fakalaka, ti ko le tagata leia na ikiiki lana tae na leaise puli kiate ia se nea. Na tae e le tagata le nea leia na aoga ki lona mauli.

Esekiele 48:7

I tafa o le vaega o Lupeni, i le potu esite ki le tai Metitelanea i le potu uesite ko le vaega o le faasiga o Suta.

Numelo 26:54

E ke soli loa kia latou ala e api se tofiga lasi, ti e ke soli loa kia latou ala e teiki se tofiga ikiiki ; e soli loa le tofiga o fuafua ki le api o le kakai i le tosi kaiga.

Sosue 19:10

Ko le tolu o tofiga leia na tuku loa e le toso na maua loa e vosa o Sapulone, o mulimuli ki olatou famili.

Sosue 19:8

ti mo kolo liliki fuli ala na tuu i tafatafa o kolo ana, o kaku ki Palaati-Peeli, leia ko Lamati i le saute. Ko lena le tofiga o vosa o Simeone, o mulimuli ki olatou famili.