Sosue 18:8 - Tosi Tapu

⁸ I le tutuu ake loa o tagata ana o ano, ke tosi se paaki o le fenua, na tuku loa e Sosue le fakatotonu leinei kia latou : Kotou ano, kotou folii le fenua, kotou tosi katoa a ia, ti kotou toe liliu mai loa kiate au ; ti e kau fai loa kia koutou le toso i mua o le Eteleno, i Silo.

Sosue 18:8 ပူးပေါင်းရင်းမြစ်များ

Senesi 13:17

Tuu ki aluga, o foli takai le fenua i lona loa mo lona lau lasi, talie e kau soli loa a ia kiate koe.

Esaia 34:17

Kua fai e ia kia latou le toso, Ti kua vae e lona lima kia latou le fenua ki le afo. E lotou maua loa a ia o lee gato, E lotou nonofo loa i ai i tautupu mo tautupu.

Loma 14:19

Koia loa, ke tou afa a nea ala e aoga ki le tokamalie ti mo le faufau.

Sosue 13:7

ti ke ke vae loa i le aso nei le fenua lena ki faasiga e iva mo le vaelua o le faasiga o Manase.

Sosue 15:1

Ko le tofiga leia na tuku e le toso ki le faasiga o Suta, o mulimuli ki olatou famili, na mafola o kaku ki le koiga o Etome i le toafa o Sini, i le saute, i le taupotu oki o le saute.

Sosue 18:1

Na fakatasi loa le kakai katoa o fanau a Iselaele i Silo. Na lotou fakatuu loa i ai le falela tapu. Na fakalogo le fenua katoa kia latou.

Sosue 18:10

Na fai loa e Sosue kia latou le toso i Silo i mua o le Eteleno, ti na tufa loa e ia a vaega e fitu o le fenua ki fanau a Iselaele, o soli ki le faasiga taki tasi lona vaega.

Sosue 18:6

Ti ko koutou, e kotou fai loa se tosi o le fenua o vae fitu, ti kotou aumai loa a ia kiate au i leinei. E kau fai loa le toso kia koutou i leinei i mua o le Eteleno, lokoutou Atua.

Sosue 18:9

Na ano loa a tagata ana, ti na lotou folii loa le fenua, ti na lotou fai loa le tosi isi o le fenua ki vaega e fitu, o mulimuli ki kolo. Ti oki, na lotou toe liliu loa kia Sosue i le nofolaga i Silo.

Uluaki tosi a Samuele 14:41

Na pati loa Saulo ki le Eteleno : Atua o Iselaele ! Fakasa mai le maoki. Na fakasa loa a Sonatane mo Saulo, ti na fakalauatea loa le kakai.