Sosue 18:7 - Tosi Tapu

⁷ Kae e leaise maua loa se tofiga ki le kau Levi i loto malie o koutou, talie ko lolatou tofiga ko le tuulaga fakapelepitelo a le Eteleno ; ti ko Kate, mo Lupeni ti mo le vaelua o le faasiga o Manase kua maua olatou tofiga i le fetuu esite o le Solotane : na soli e Moisese, tagata fakasausau o le Eteleno, olatou tofiga kia latou.

Sosue 18:7 ပူးပေါင်းရင်းမြစ်များ

Numelo 18:20

Na pati loa le Eteleno kia Alone : E leaise ke maua ia loa se tofiga i lolatou fenua, ti e leaise ke maua ia loa se vaega i loto malie o latou ; ko au ko lou vaega mo lou tofiga, i loto malie o fanau a Iselaele.

Numelo 18:23

E fai loa e le kau Levi le tausi o le falela tapu, ti e lotou amo loa alotou sala. E leaise lotou maua loa se tofiga i loto malie o fanau a Iselaele : ko se lao loa lena ke tuku sosolo i okoutou sakoga.

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Tetelonome 10:9

Koia leia e leaise maua loa e Levi sona vaega pe ko sona tofiga mo ona fetaina : ko lona tofiga ko le Eteleno, o mulimuli ki le pati a le Eteleno, lona Atua kiate ia.

Sosue 12:6

Na tamate loa e Moisese mo fanau a Iselaele a sau ana e lua ; ti na soli loa e Moisese, tagata fakasausau a le Eteleno, ola fenua ki faasiga o Lupeni, mo Kate, ti mo le vaelua o le faasiga o Manase.

Sosue 13:33

Na leaise soli loa e ia se tofiga ki le faasiga o Levi ; ko le Eteleno, ko le Atua o Iselaele, ko lena lona tofiga, ofai ki lana fakasa kiate ia.