Sosue 18:6 - Tosi Tapu

⁶ Ti ko koutou, e kotou fai loa se tosi o le fenua o vae fitu, ti kotou aumai loa a ia kiate au i leinei. E kau fai loa le toso kia koutou i leinei i mua o le Eteleno, lokoutou Atua.

Sosue 18:6 ပူးပေါင်းရင်းမြစ်များ

Pesalemo 105:11

O pati : E kau soli atu loa kiate koe le fenua o Kanaane Ofaipe se tofiga leia kua tuku atu kia koutou.

Taagapati 16:33

E fai se toso ke iloa le nea leia ke fai, Kae e au a tonu fuli mei le Eteleno.

Taagapati 18:18

Ko le toso e fakagato ia a visi, Ti e fakasa ia le tonu i le kau lalasi.

Numelo 33:54

Ke kotou vae loa le fenua ki le toso, o mulimuli ki okoutou faasiga. E kotou soli loa se kele lasi ki le faasiga leia e api lona kakai, mo se kele ikiiki ki le faasiga leia e teiki lona kakai. E maua loa e le faasiga taki tasi le fenua leia e soli loa kiate ia e le toso : E tuku atu loa le tofiga lena kia koutou, o mulimuli ki faasiga o okoutou tamana.

Numelo 34:13

Na fakasa loa e Moisese le fakatotonu lena ki fanau a Iselaele, o pati : Ko lena le fenua leia e tonu loa ke kotou vae ki le toso, le fenua leia na fakatotonu e le Eteleno ke soli ki faasiga e iva mo le vaelua.

Gaoi 13:19

ti na maumaui loa e ia ni puleaga e fitu i le fenua o Kanaane, o tufa olatou fenua kia latou.

Sosue 14:2

Na fai le tufa ki le toso, o mulimuli ki le nea na fakatotonu e le Eteleno kia Moisese, ki faasiga e iva ti mo le vaelua.

Sosue 18:10

Na fai loa e Sosue kia latou le toso i Silo i mua o le Eteleno, ti na tufa loa e ia a vaega e fitu o le fenua ki fanau a Iselaele, o soli ki le faasiga taki tasi lona vaega.

Sosue 18:7

Kae e leaise maua loa se tofiga ki le kau Levi i loto malie o koutou, talie ko lolatou tofiga ko le tuulaga fakapelepitelo a le Eteleno ; ti ko Kate, mo Lupeni ti mo le vaelua o le faasiga o Manase kua maua olatou tofiga i le fetuu esite o le Solotane : na soli e Moisese, tagata fakasausau o le Eteleno, olatou tofiga kia latou.

Sosue 18:8

I le tutuu ake loa o tagata ana o ano, ke tosi se paaki o le fenua, na tuku loa e Sosue le fakatotonu leinei kia latou : Kotou ano, kotou folii le fenua, kotou tosi katoa a ia, ti kotou toe liliu mai loa kiate au ; ti e kau fai loa kia koutou le toso i mua o le Eteleno, i Silo.