Sosue 18:16 - Tosi Tapu

¹⁶ Na ifo loa a ia ki le taupotu o le mauga leia e tuu i mua o le vaivailiua o Pene-Inome, i le vaivailiua o le kau Lefaimi i le noleto. Na ifo loa a ia i le vaivailiua o Pene-Inome, i le fetuu saute o le kau Sepusi, o kaku ki Ene-Lokueli.

Sosue 18:16 ပူးပေါင်းရင်းမြစ်များ

Lua tosi a Samuele 17:17

Ka ko leinei na nofo Sonatane mo Asimaate i Ene-Lokueli. Talie na tapu ke la ulu ki le kolo ; koia na au loa se fafine fakasausau o pati kia laua ke ano o fakasa le nea lena kia Tavite.

Lua tosi a Samuele 5:18

Na kaku mai loa le kau Filisitini, ti na lotou fakatuutuu tau loa i le vaivailiua o le kau Lefaimi.

Uluaki tosi o Sau 1:9

Na tamate loa e Atonisa ni ovi, mo ni pipi, ti mo ni uviki pipi pepeti, o ofi i le fatu o Soelete, leia e tuu i tafa o Ene-Lokueli ; ti na fakaafe loa e ia ona fetaina fuli, vosa o le sau, ti mo tagata fuli o Suta ala na tausi ki le sau.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Uluaki tosi o Koloniko 14:9

Na kaku ake loa le kau Filisitini, ti na lotou mafola loa i le vaivailiua o le kau Lefaimi.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Selemia 19:11

Ti e ke pati loa kia latou : E folafola le Eteleno o kau tau : E kau titi feneeki loa le kakai leinei ti mo le kolo leinei, Ofaipe le titi o le ipu a le tagata faiipu, Ti e leaise mafai loa ke toe fau e ia a ia. Ti e tanu loa a mate i Tofete, talie e leaise maua loa se ganea ke tanu ai.

Selemia 19:2

Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 19:6

Koia ko leinei, e pati le Eteleno : E soko mai loa a aso, Ala e leaise toe fakaigoa ai loa le ganea leinei Ko Tofete pe ko le vaivailiua o Pene-Inome, Kae e fakaigoa loa a ia ko le vaivailiua o le matea.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Sosue 15:63

Na leaise mafai loa e vosa o Suta le kapu o le kau Sepusi ala na nonofo loa i Selusalemi, ti na nonofo loa le kau Sepusi mo vosa o Suta i Selusalemi o kaku mai ki le aso nei.

Sosue 18:28

mo Sela, mo Elefi, mo Sepusi, leia ko Selusalemi, mo Kipeati ti mo Kiliate ; kolo e kau agafulu tupu fa mo olatou kolo liliki. Ko lena le tofiga o vosa o Pesamino o mulimuli ki olatou famili.

Tuifakamaau 1:21

Na leaise kapu loa e vosa o Pesamino le kau Sepusi ala na nonofo i Selusalemi ; ti na nonofo loa le kau Sepusi i Selusalemi mo vosa o Pesamino o kaku mai ki le aso nei.

Tuifakamaau 1:8

Na taui loa e vosa o Suta a Selusalemi o lotou maua loa a ia. Na lotou tamate loa ki le mata o le seleta le kakai o le kolo, ti na lotou tutu loa ki le afi le kolo.

Tuifakamaau 19:10

Na leaise loto loa le tagata Levi ke toe nofo i le po lena, ti na tuu ake loa a ia ki aluga o ano. Na kaku loa a ia o tio ki Sepusi, leia ko Selusalemi, mo ana asino e lua kua teuteui ti mo lona avaga.