Sosue 18:12 - Tosi Tapu

¹² I le fetuu noleto, na natu lolatou koiga i le Solotane, o fano i le fetuu noleto o Seliko, o pale ki le mauga i le uesite, o kaku ki le toafa o Pete-Aveni.

Sosue 18:12 ပူးပေါင်းရင်းမြစ်များ

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Sosue 16:1

Ko le tofiga leia na tuku loa e le toso ki fanau o Sosefo na kamata loa i le Solotane i tafa o Seliko, i le fetuu esite o le matapuna leia e fakavai ia le kolo. Mei Seliko, na ulu loa a ia i le toafa o kaku ki le mauga o Petele.

Sosue 18:11

Ko le uluaki vaega na toso ko le vaega o vosa o Pesamino, o mulimuli ki olatou famili, ti ko le vaega leia na soli kia latou na tuu ona koiga i loto o vosa o Suta mo vosa o Sosefo.

Sosue 2:1

Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 3:16

na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.

Sosue 6:1

Na tapotapono a matapa o Seliko ti na fakamaumau latou o tupu ko fanau a Iselaele. Na leaise ulu se tasi ki fafo, pe ulu ki loto.

Sosue 7:2

Na kakau loa e Sosue mei Seliko ni tagata ke ano ki Ai, leia na tuu i tafa o Pete-Aveni, i le fetuu esite o Petele. Na pati loa a ia kia latou : Kotou pale, ti kotou sivisivi le fenua. Na pale loa a tagata ana o sivisivi le kolo ko Ai.

Sosue 8:15

Na sola loa Sosue mo le kakai katoa o Iselaele i mua o le sau o Ai mo lona solia i le ala leia e ano ki le toafa.

Uluaki tosi a Samuele 13:5

Na fakatasi loa le kau Filisitini ke taui a Iselaele. Na lotou maua ni saliote e afe mo ni tagata ekeosi e ono afe, ti na toka api ai le kakai lena pe le one i le mata tai. Na lotou au loa o nonofo i Mikimase, i le potu esite o Pete-Aveni.