Sosue 18:10 - Tosi Tapu

¹⁰ Na fai loa e Sosue kia latou le toso i Silo i mua o le Eteleno, ti na tufa loa e ia a vaega e fitu o le fenua ki fanau a Iselaele, o soli ki le faasiga taki tasi lona vaega.

Sosue 18:10 ပူးပေါင်းရင်းမြစ်များ

Uluaki tosi o Koloniko 24:5

Na fakavaevae latou ki le toso, o tupu ke maua fakatatau ni pule o le sagatualio mo ni pule o le fale o le Atua i vosa o Eleasale mo vosa o Itamale.

Neemia 11:1

Ti na nofo loa le kau pule o le kakai i Selusalemi. Ti na fai loa le toso e le toega o le kakai ke au se tagata e tasi i le tino agafulu o nofo i Selusalemi, le kolo maokioki, kae nonofo a la ake i olatou kolo.

Pesalemo 47:4

E tuku e ia ni kakai ke fakalogo kia tatou, E tuku e ia ni puleaga ki lalo o tou vae.

Pesalemo 61:5

E kau fia nofo tuumau i lou falela o lee gato, O fakamalumalu i le malu o ou kapakau. - Manava.

Taagapati 18:18

Ko le toso e fakagato ia a visi, Ti e fakasa ia le tonu i le kau lalasi.

Selemia 7:12

Kotou ano ki le ganea leia na fakatapui kiate au i Silo, Leia na kau fakaagai ai loku suafa i mua. Ti kotou tio pe na kau fai feaki a ia, O tupu ko le agaveli o loku kakai ko Iselaele.

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Esekiele 48:29

Ko lena loa le fenua leia e kotou aga loa o vaevae ko lokoutou tofiga, ki faasiga o Iselaele o mulimuli ki le toso, ko na loa a vaega, e pati le Aliki, le Eteleno.

Mikea 2:5

Koia leia e leaise ke maua ai loa se tasi Leia e toso ia le afo i se koga kele, I le fakatasiga a le Eteleno.

Numelo 34:16

Na masau loa le Eteleno kia Moisese, o pati :

Mateo 27:35

Ti na lotou tutuki loa a ia ki le koluse, ti na lotou vae loa ona kofu, o toso, ke fakasoko ai le folafola a le polofeta : Na lotou vae oku kofu, ti na lotou toso, pe ko ai ka maua ia loku taupulupulu.

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Gaoi 13:19

ti na maumaui loa e ia ni puleaga e fitu i le fenua o Kanaane, o tufa olatou fenua kia latou.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Sosue 14:2

Na fai le tufa ki le toso, o mulimuli ki le nea na fakatotonu e le Eteleno kia Moisese, ki faasiga e iva ti mo le vaelua.

Sosue 14:5

Na mulimuli loa a fanau a Iselaele ki fakatotonu ala na tuku e le Eteleno kia Moisese, ti na lotou vae loa le fenua.

Sosue 18:11

Ko le uluaki vaega na toso ko le vaega o vosa o Pesamino, o mulimuli ki olatou famili, ti ko le vaega leia na soli kia latou na tuu ona koiga i loto o vosa o Suta mo vosa o Sosefo.

Sosue 18:6

Ti ko koutou, e kotou fai loa se tosi o le fenua o vae fitu, ti kotou aumai loa a ia kiate au i leinei. E kau fai loa le toso kia koutou i leinei i mua o le Eteleno, lokoutou Atua.

Sosue 18:8

I le tutuu ake loa o tagata ana o ano, ke tosi se paaki o le fenua, na tuku loa e Sosue le fakatotonu leinei kia latou : Kotou ano, kotou folii le fenua, kotou tosi katoa a ia, ti kotou toe liliu mai loa kiate au ; ti e kau fai loa kia koutou le toso i mua o le Eteleno, i Silo.

Sosue 18:9

Na ano loa a tagata ana, ti na lotou folii loa le fenua, ti na lotou fai loa le tosi isi o le fenua ki vaega e fitu, o mulimuli ki kolo. Ti oki, na lotou toe liliu loa kia Sosue i le nofolaga i Silo.

Sosue 19:51

Ko na tofiga ala na tufa loa ki le toso e le tagata faisakilifisio ko Eleasale, mo Sosue, vosa o Nune, ti mo pule o famili, i mua o le Eteleno i Silo, i mua o le falela tapu. Na lotou fakaoki loa i ai le vae o le fenua.

Sosue 23:4

Kotou tio, kua kau soli kia koutou ke kotou maua tofiga i le toso, o mulimuli ki okoutou faasiga, a puleaga ana na toe, mei le Solotane, ti mo puleaga fuli ala na kau tamate, o kaku ki le tai lasi i le viloaga o le laa.