Sosue 17:14 - Tosi Tapu

¹⁴ Na masau loa a vosa o Sosefo kia Sosue, o pati : Kolea na ke tuku ai loa kia matou se tofiga e tasi, kae ko leinei e motou api, talie na tapuaki le Eteleno kia matou o kaku mai ki le aso nei ?

Sosue 17:14 ပူးပေါင်းရင်းမြစ်များ

Senesi 48:19

Kae na fakafiti loa lona tamana, o pati kiate ia : E kau iloa, ei loku vosa, e kau iloa ! Mo ia foki e liliu loa a ia ko se kakai toka api, mo ia foki e liliu loa a ia ko se puleaga lasi ; kae e liliu loa lona taina muli o lasi ake iate ia, ti e liliu loa lona sakoga ko ni puleaga mauke.

Senesi 48:20

I le aso lena, na tuku loa e Iselaele lana tapuaki kia laua, o pati : E too loa e le kakai o Iselaele okoulua igoa, mo ka lotou fai loa ni tapuaki, o pati : Ke manava alofa le Atua kiate koe ofaipe lona manava alofa kia Efalaimi mo Manase !

Senesi 48:22

E kau soli atu kiate koe se vaega leia e lasi ake i vaega o ou fetaina, e kau soli kiate koe le fenua o Siseme leia na kau maua mei le lima o le kau Amole ki laku seleta mo laku gasau.

Esekiele 48:5

I tafa o le vaega o Manase, i le potu esite ki le tai Metitelanea i le potu uesite ko le vaega o le faasiga o Efalaimi.

Numelo 13:7

Ki le faasiga o Isakale : ko Sikuale, vosa o Sosefo.

Numelo 26:54

E ke soli loa kia latou ala e api se tofiga lasi, ti e ke soli loa kia latou ala e teiki se tofiga ikiiki ; e soli loa le tofiga o fuafua ki le api o le kakai i le tosi kaiga.

Numelo 36:12

Na lotou avaga loa i loto o famili o vosa o Manase, vosa o Sosefo, ti na nofo loa lolatou tofiga i le faasiga o le famili o lolatou tamana.

Sosue 16:4

Ko lena le tofiga leia na maua e vosa o Sosefo, ko Manase mo Efalaimi.

Sosue 17:15

Na pati loa Sosue kia latou : Kapau ko koutou ko se kakai api, ke kotou pale loa ki le vaomatua, ti ke kotou faala loa se ganea i le fenua o le kau Pelesi mo le kau Lefaimi, mo kapau e ikiiki le mauga o Efalaimi kia koutou.