Sosue 17:1 - Tosi Tapu

¹ Na i ai foki se tofiga na tuku e le toso ki le faasiga o Manase, talie ko le uluaki a ia o Sosefo. Ko Makile, ko le vosa uluaki o Manase ti ko le tamana o Kalaate, na maua ia a Kalaate mo Pasani, talie ko se tagata tau a ia.

Sosue 17:1 ပူးပေါင်းရင်းမြစ်များ

Senesi 41:51

Na soli loa e Sosefo ki le vosa uluaki le igoa ko Manase, talie na pati a ia : Kua tuku e le Atua ke kau galoi oku mamae fuli mo loku mamao mei le fale katoa o loku tamana.

Senesi 41:52

Ti na soli loa e ia ki le vosa lua le igoa ko Efalaimi, talie na pati a ia : Kua soli mai e le Atua kiate au ni fanau i le fenua leinei na kau mamae lasi ai.

Senesi 46:20

Na tupu loa kia Sosefo, i le fenua o Esipito, a Manase mo Efalaimi, ala na fanaui kiate ia e Asenate, taine o Potifela, ko le pelepitelo o Oni.

Senesi 48:17

Na leaise malie kia Sosefo le aga a lona tamana o teki lona lima atamai ki le ulu o Efalaimi ; ti na fa loa a ia ki le lima o lona tamana, o too mei le ulu o Efalaimi, o teki ki le ulu o Manase.

Senesi 48:18

Ti na pati loa Sosefo ki lona tamana : E ke faisala, ei loku tamana ! E uluaki a ia leinei, ke ke teki lou lima atamai ki lona ulu !

Senesi 50:23

Na tio loa Sosefo ki vosa o Efalaimi o kaku ki le tolu tautupu ; ti ko vosa o Makile, vosa o Manase, na eke loa i ona tega.

Lua tosi a Samuele 2:9

Ti na fakanofo loa e ia a ia ke sau ki Kalaate, mo Asele, mo Siseleele, mo Efalaimi, mo Pesamino, mo Selusalemi katoa.

Uluaki tosi o Koloniko 2:23

Na too loa e le kau Kesuli mo le kau Silia meia latou a kolo o Saili, mo Kenati ti mo kolo ala na pipiki ki ai, ko kolo e kau ono. Na fakalogo a kolo fuli ana ki vosa o Makile, tamana o Kalaate.

Esekiele 47:13

E folafola le Aliki, le Eteleno, o pati : Ko nei a koiga o le fenua leia e kotou vae loa ko le tofiga o faasiga e kau agafulu tupu lua o Iselaele. E maua loa e Sosefo ni vaega e lua.

Esekiele 48:4

I tafa o le vaega o Nefetali, i le potu esite ki le tai Metitelanea i le potu uesite ko le vaega o le faasiga o Manase.

Numelo 26:29

Ko vosa o Manase : ko Makile, leia e ifo mei ai le famili o le kau Makile. Na tupu meia Makile a Kalaate. Ko Kalaate leia e ifo mei ai le famili o le kau Kalaate.

Numelo 27:1

Ko taineliki o Selofati, vosa o Epele, vosa o Kalaate, vosa o Makile, vosa o Manase, vosa o Sosefo, ti ko olatou igoa : ko Mala, mo Noa, mo Okala, mo Milika, mo Tilitesa,

Numelo 32:33

Na soli loa e Moisese ki vosa o Kate, mo vosa o Lupeni, mo le vaelua o le faasiga o Manase, vosa o Sosefo, le fenua o Sioni, sau o le kau Amole, mo le fenua o Oki, sau o Pasani, mo kolo mo kele i tafatafa o kolo.

Tetelonome 21:17

Kae e fakamaoki loa e ia ko le uluaki ko le vosa o le fafine leia e leaise alofa a ia ki ai, ti e soli loa e ia kiate ia ni vaega e lua i ana nea fuli ala e maua e ia. Talie ko le vosa lena ko le uluaki fua a ia o lona makeke, ti ko ia leia e tonu ke maua ia loa le pule o le uluaki.

Sosue 17:2

Na soli loa ki le toso se tasi vaega ki la ake a vosa o Manase, o mulimuli ki olatou famili : ki vosa o Apiesele, ki vosa o Eleki, ki vosa o Aseliele, ki vosa o Siseme, ki vosa o Efele, ki vosa o Semita : Ko na vosa o Manase, vosa o Sosefo, o mulimuli ki olatou famili.

Sosue 22:7

Na soli e Moisese ki se tasi vaelua o le faasiga o Manase se tofiga i Pasani, i le fetuu esite o le Solotane, ti na soli loa e Sosue ki leia ake vaelua se tofiga i le fetuu uesite o le Solotane, i tafa o ona fetaina. I le temi leia na kakau ai loa latou e Sosue ke toe liliu ki olatou falela, na tapuaki loa a ia kia latou,

Tuifakamaau 5:14

Mei Efalaimi na au loa latou na nonofo i Amaleke. Na mulimuli loa Pesamino iate koe i lau kau tau. Mei Makile na au loa ni pule, Ti mo ni ofisa lagiaki mei Sapulone.