Sosue 16:10 - Tosi Tapu

¹⁰ Na leaise mafai loa e vosa o Efalaimi le kapu o le kau Kanaane leia na nofo i Kesele, ti na nofo loa le kau Kanaane i loto malie o Efalaimi o kaku mai ki le aso nei, kae na lotou fakasausau loa mo tukusau loa ki fanau a Efalaimi.

Sosue 16:10 ပူးပေါင်းရင်းမြစ်များ

Uluaki tosi o Sau 9:15

Ko leinei le nea o uiga mo kau tagata pule gaoi ala na fakanofo e le sau ko Salomone ke fakatuu ia le fale o le Eteleno mo lona fale sau, mo Milo, mo le paa o Selusalemi, mo Asoli, mo Mekito, ti mo Kesele.

Uluaki tosi o Sau 9:16

Na au loa a Falaone, sau o Esipito, ti na too loa e ia Kesele, o tutu a ia ki le afi, kae na tamate loa e ia le kau Kanaane leia na nonofo i le kolo. Ti na soli loa e ia le kolo lena ki lona taine i lona avaga mo Salomone.

Uluaki tosi o Sau 9:21

mo olatou sakoga ala na toe ia latou i le fenua talie na leaise mafai ke tamate latou e fanau a Iselaele, na fakanofo loa latou e Salomone ke gaoi fakapopula o kaku mai ki le aso nei.

Lua tosi o Koloniko 8:8

mo olatou sakoga ala na toe i olatou muli i le fenua ti na leaise maumaui e fanau a Iselaele, na fakanofo loa latou e Salomone ki ni fatogia fakafenua o kaku mai ki le aso nei.

Sosue 10:33

Na pale loa Olami, sau o Kesele, o tokoi kia Lakisi. Kae na tamate a ia mo lona kakai, o leaise toe sao se fa toka tasi.

Sosue 15:63

Na leaise mafai loa e vosa o Suta le kapu o le kau Sepusi ala na nonofo loa i Selusalemi, ti na nonofo loa le kau Sepusi mo vosa o Suta i Selusalemi o kaku mai ki le aso nei.

Sosue 16:9

Ti na toe maua foki e vosa o Efalaimi ni kolo mo olatou kolo liliki ala na tuu i le tofiga o le faasiga o Manase.

Sosue 17:12

Na leaise mafai loa e vosa o Manase ke lotou too a kolo ana, ti na loto loa le kau Kanaane ke nonofo i le fenua lena.

Sosue 17:13

I le temi leia na makeke ai a fanau a Iselaele, na lotou teki loa ki le kau Kanaane ni tukusau mo ni gaoi, kae na leaise lotou kapu loa latou.

Tuifakamaau 1:29

Na leaise kapu loa e Efalaimi le kau Kanaane leia na nonofo i Kesele, ti na nonofo loa le kau Kanaane i loto malie o Efalaimi i Kesele.