Sosue 15:8 - Tosi Tapu

⁸ Na pale loa a ia i lena i le vaivailiua o Pene-Inome, i le fetuu saute o Sepusi, leia ko Selusalemi, ti na ano loa a ia o kaku ki le tumutumu o le mauga leia e tuu i mua o le vaivailiua o Pene-Inome i le uesite, ti mo le potupotu o le vaivailiua o le kau Lefaimi i le noleto.

Sosue 15:8 ပူးပေါင်းရင်းမြစ်များ

Lua tosi a Samuele 5:18

Na kaku mai loa le kau Filisitini, ti na lotou fakatuutuu tau loa i le vaivailiua o le kau Lefaimi.

Lua tosi a Samuele 5:22

Na toe pale ake foki le kau Filisitini, ti na lotou fakatuutuu tau loa i le vaivailiua o Lefaimi.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Uluaki tosi o Koloniko 11:4

Na saele loa Tavite mo Iselaele katoa ki Selusalemi, leia ko Sepusi. Na nonofo i ai le kau Sepusi, le kakai o le fenua.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Neemia 11:30

mo Sanoake, mo Atulami mo ona kolo liliki, mo Lakisi mo ona tafatafa, mo Aseka mo ona tafatafa. Na lotou nonofo loa mei Peele-Sepa o kaku ki le vaivailiua o Inome.

Esaia 17:5

E fai loa pe le temi leia e tuuti ai le fulumeto e le tagata tuuti fulumeto, Ti e tuuti ai e lona lima a taulu fulumeto ; E fai loa pe le temi leia e tanaki ai a taulu fulumeto i le vaivailiua o Lefaimi.

Selemia 19:14

Na toe liliu mai loa Selemia mei Tofete, le ganea leia na kakau a ia ki ai e le Eteleno, ke kikite. Ti na tuu loa a ia i le malae o le fale tapu o le Eteleno, o pati ki le kakai katoa :

Selemia 19:2

Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 19:6

Koia ko leinei, e pati le Eteleno : E soko mai loa a aso, Ala e leaise toe fakaigoa ai loa le ganea leinei Ko Tofete pe ko le vaivailiua o Pene-Inome, Kae e fakaigoa loa a ia ko le vaivailiua o le matea.

Sosue 15:63

Na leaise mafai loa e vosa o Suta le kapu o le kau Sepusi ala na nonofo loa i Selusalemi, ti na nonofo loa le kau Sepusi mo vosa o Suta i Selusalemi o kaku mai ki le aso nei.

Sosue 18:16

Na ifo loa a ia ki le taupotu o le mauga leia e tuu i mua o le vaivailiua o Pene-Inome, i le vaivailiua o le kau Lefaimi i le noleto. Na ifo loa a ia i le vaivailiua o Pene-Inome, i le fetuu saute o le kau Sepusi, o kaku ki Ene-Lokueli.

Sosue 18:28

mo Sela, mo Elefi, mo Sepusi, leia ko Selusalemi, mo Kipeati ti mo Kiliate ; kolo e kau agafulu tupu fa mo olatou kolo liliki. Ko lena le tofiga o vosa o Pesamino o mulimuli ki olatou famili.

Tuifakamaau 1:21

Na leaise kapu loa e vosa o Pesamino le kau Sepusi ala na nonofo i Selusalemi ; ti na nonofo loa le kau Sepusi i Selusalemi mo vosa o Pesamino o kaku mai ki le aso nei.

Tuifakamaau 1:8

Na taui loa e vosa o Suta a Selusalemi o lotou maua loa a ia. Na lotou tamate loa ki le mata o le seleta le kakai o le kolo, ti na lotou tutu loa ki le afi le kolo.

Tuifakamaau 19:10

Na leaise loto loa le tagata Levi ke toe nofo i le po lena, ti na tuu ake loa a ia ki aluga o ano. Na kaku loa a ia o tio ki Sepusi, leia ko Selusalemi, mo ana asino e lua kua teuteui ti mo lona avaga.