Sosue 14:1 - Tosi Tapu

¹ Ko nei a tofiga na maua loa e fanau a Iselaele i le fenua o Kanaane, ala na tufa e le tagata faisakilifisio ko Eleasale, mo Sosue, vosa o Nune, ti mo pule o famili o faasiga o Iselaele ki fanau a Iselaele.

Sosue 14:1 ပူးပေါင်းရင်းမြစ်များ

Esetalasi 7:5

vosa o Apisua, vosa o Finesi, vosa o Eleasale, vosa o Alone, le tagata faisakilifisio lasi.

Esekiele 45:1

I le aso leia e kotou vae ai loa le fenua i tofiga, e kotou vaei loa se kele i le fenua ofaipe se moliga tapu ki le Eteleno : ko lona loa ko kilometa e kau agafulu tupu lua vaelua ti ko lona laulasi ko kilometa e kau agafulu ; e maokioki katoa loa a ia.

Numelo 34:13

Na fakasa loa e Moisese le fakatotonu lena ki fanau a Iselaele, o pati : Ko lena le fenua leia e tonu loa ke kotou vae ki le toso, le fenua leia na fakatotonu e le Eteleno ke soli ki faasiga e iva mo le vaelua.

Numelo 34:16

Na masau loa le Eteleno kia Moisese, o pati :

Gaoi 13:19

ti na maumaui loa e ia ni puleaga e fitu i le fenua o Kanaane, o tufa olatou fenua kia latou.

Tetelonome 12:10

Kae e kotou fakalaka loa i le Solotane, ti e kotou nonofo loa i le fenua o le tofiga leia e soli atu loa kia koutou e le Eteleno, lokoutou Atua ; e tuku atu loa e ia le malolo kia koutou, i le oki o lana saofaki koutou mei okoutou fili fuli ala e takatakai ia koutou, ti e fakanofo loa e ia koutou i le fimalie.

Sosue 13:6

mo le kakai katoa o le mauga, mei le Lipane o kaku ki Misilefoti-Maimi, le kau sitonia fuli. E kau kapu loa latou i mua o fanau a Iselaele. Soli fua le fenua leinei ki Iselaele ki le toso ke lotou maua tofiga, o mulimuli ki le nea leia na kau fakatotonu atu kiate koe ;

Sosue 19:51

Ko na tofiga ala na tufa loa ki le toso e le tagata faisakilifisio ko Eleasale, mo Sosue, vosa o Nune, ti mo pule o famili, i mua o le Eteleno i Silo, i mua o le falela tapu. Na lotou fakaoki loa i ai le vae o le fenua.

Sosue 21:1

Na fakafeofi ake loa a pule famili o le kau Levi ki le tagata faisakilifisio ko Eleasale, mo Sosue, vosa o Nune, ti mo pule o famili o faasiga o fanau a Iselaele.