Sosue 13:6 - Tosi Tapu

⁶ mo le kakai katoa o le mauga, mei le Lipane o kaku ki Misilefoti-Maimi, le kau sitonia fuli. E kau kapu loa latou i mua o fanau a Iselaele. Soli fua le fenua leinei ki Iselaele ki le toso ke lotou maua tofiga, o mulimuli ki le nea leia na kau fakatotonu atu kiate koe ;

Sosue 13:6 ပူးပေါင်းရင်းမြစ်များ

Pesalemo 80:8

Ei Atua o kau tau, toe fakatuu ake matou ki aluga ! Fakagigila mai ou mata, ti e motou mauli loa !

Numelo 33:54

Ke kotou vae loa le fenua ki le toso, o mulimuli ki okoutou faasiga. E kotou soli loa se kele lasi ki le faasiga leia e api lona kakai, mo se kele ikiiki ki le faasiga leia e teiki lona kakai. E maua loa e le faasiga taki tasi le fenua leia e soli loa kiate ia e le toso : E tuku atu loa le tofiga lena kia koutou, o mulimuli ki faasiga o okoutou tamana.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 11:12

Na toe too foki e Sosue a kolo fuli o sau ana, ti mo olatou sau, ti na tamate loa e ia latou ki le mata o le seleta, ti na tamate e ia latou fuli, o mulimuli ki le fakatotonu na tuku kiate ia e Moisese, tagata fakasausau a le Eteleno.

Sosue 11:8

Na tuku loa latou e le Eteleno ki lima o Iselaele ; na lotou tamate loa latou ti na lotou tuli loa latou o kaku ki le kolo lasi ko Sitone, mo Misilefoti-Maimi, ti mo le vaivailiua o Misipa i le esite ; Na lotou tamate loa latou, o leaise sao loa se fa toka tasi.

Sosue 13:7

ti ke ke vae loa i le aso nei le fenua lena ki faasiga e iva mo le vaelua o le faasiga o Manase.

Sosue 23:13

ke kotou iloa fakapapau e leaise toe kapu loa e le Eteleno, lokoutou Atua, a puleaga ana i okoutou mua ; kae e liliu loa a puleaga ana kia koutou ko ni kupega mo ni masele, ko ni fue i okoutou vakavaka, ko ni laakau talatala i okoutou mata, o kaku ki lokoutou pupuli loa i le fenua malie leia na soli atu kia koutou e le Eteleno, lokoutou Atua.

Sosue 23:4

Kotou tio, kua kau soli kia koutou ke kotou maua tofiga i le toso, o mulimuli ki okoutou faasiga, a puleaga ana na toe, mei le Solotane, ti mo puleaga fuli ala na kau tamate, o kaku ki le tai lasi i le viloaga o le laa.

Sosue 23:5

E kapu loa latou e le Eteleno, lokoutou Atua, i okoutou mua ; ti e kotou maua loa lolatou fenua, ofaipe le pati a le Eteleno, lokoutou Atua.