Sosue 13:4 - Tosi Tapu

⁴ I le saute, koi toe le fenua katoa o le kau Kanaane, ti mo Meala, leia e maua e le kau Sitone, o kaku ki Afeke, ki le koiga o le kau Amole,

Sosue 13:4 ပူးပေါင်းရင်းမြစ်များ

Uluaki tosi o Sau 20:26

I leia ake fetuu, na lau loa e Pene-Atate le kau Silia, ti na pale loa a ia ki Afeke ke taui Iselaele.

Uluaki tosi o Sau 20:30

Na sola loa le toega o le solia ki le kolo ko Afeke, ti na siga loa le paa ki tagata e tino lua tupu fitu afe o latou ala na toe. Na sola loa Pene-Atate ki le kolo, o mumuni i le kogafale taupotu oki o se fale.

Esekiele 16:3

E ke pati loa : E folafola le Aliki, le Eteleno, ki Selusalemi : Na fakatupu a koe ti na fanaui a koe i le fenua o Kanaane ; ko lou tamana ko se tagata Amole, ti ko lou tinana ko se fafine Eti.

Amosi 2:10

Kae na kau aumai koutou mei le fenua o Esipito, Ti na kau taki koutou i fetuu e kau fa i le toafa, Ke kotou maua le fenua o le kau Amole.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 11:3

mo le kau Kanaane o le esite mo le uesite, mo le kau Amole, mo le kau Eti, mo le kau Pelesi, mo le kau Sepusi i le mauga, ti mo le kau Evi i vae o le Elemoni i le fenua o Misipa.

Sosue 12:18

ko le sau o Afeke, tasi ; ko le sau o Lasaloni, tasi ;

Sosue 19:30

Na toe kau foki ki le tofiga lena a Uma, mo Afeke ti mo Leopi. Kolo e kau lua tupu lua mo olatou kolo liliki.

Uluaki tosi a Samuele 4:1

Na fai loa le masau a Samuele ki Iselaele katoa. Na ano loa Iselaele o tau ki le kau Filisitini. Na lotou nonofo loa o ofi ki Epene-Esele, ti na nonofo loa le kau Filisitini i Afeke.