Sosue 13:13 - Tosi Tapu

¹³ Kae na leaise kapu loa e fanau a Iselaele le kau Kesuli ti mo le kau Maaka, ala na nonofo loa i loto malie o Iselaele o kaku mai ki le aso nei.

Sosue 13:13 ပူးပေါင်းရင်းမြစ်များ

Senesi 35:22

I le nofo a Iselaele i le fenua lena, na ano loa Lupeni o momoe mo Pila, ko le avaga o lona tamana. Ti na iloa loa e Iselaele le nea lena, ti na mamae ai lona loto. Ko vosa o Sakopo na tino agafulu tupu lua.

Lua tosi a Samuele 10:6

I le tio loa o vosa o Amone ki le fakalialia o le nea leia na lotou fai kia Tavite, na lotou totogi loa a kau tagata solia e tino lua afe i le solia a le kau Silia o Pete-Leopi mo le kau Silia o Tesopa, mo kau tagata e tino afe i le sau o Maaka, ti mo kau tagata e tino agafulu tupu lua afe i le kakai o Tope.

Lua tosi a Samuele 3:3

ko le lua ko Kileape, kia Apikaile mei Kalemelo, avaga a Napale ; ko le tolu ko Apesalone, kia Maaka, taine o Talemai, sau o Kesuli ;

Numelo 33:55

Kae kapau e leaise kotou kapu loa i okoutou mua a kakai fuli o le fenua, ti ko latou ala e kotou tuku loa ke mauli e fai loa pe ni vao sukisuki ki okoutou mata mo ni laakau talatala ki okoutou vakavaka. E lotou fakafiu ia loa koutou i le fenua lena ka kotou nonofo ai loa.

Tetelonome 3:14

Ko Saili, vosa o Manase, na too ia loa le fenua katoa o Alekopi, i Pasani, o kaku ki le koiga o le kau Kesuli mo le kau Maaka ; na lotou fakaigoa loa a kolo liliki o le fenua lena ko kolo liliki o Saili, igoa leia na lotou maua loa o kaku mai ki le aso nei.

Sosue 12:5

Na pule a ia ki le mauga o Elemoni, mo Salaka, mo le Pasani katoa o kaku ki le koiga o le kau Kesuli mo le kau Maaka, ti mo le vaelua o Kalaate o kaku ki le koiga mo le puleaga o Sioni, sau o Eseponi.

Sosue 13:11

mo Kalaate, mo le fenua o le kau Kesuli mo le kau Maaka, mo le mauga katoa o le Elemoni, ti mo le Pasani katoa, o kaku ki Salaka ;

Sosue 13:12

mo le puleaga o Oki i Pasani, leia na sau i Asataloti ti mo Etelei, leia na kau ki le kau tagata lalasi fakamuli o le kau Lefaimi. Na tamate e Moisese a sau ana, ti na kapu loa e ia latou.

Sosue 13:14

Ko le faasiga o Levi toka tasi na leaise soli ki ai se tofiga e Moisese ; ko sakilifisio tutu e le afi i mua o le Eteleno, le Atua o Iselaele, ko lena lona tofiga, o mulimuli ki le nea leia na fakasa kiate ia.

Uluaki tosi a Samuele 27:8

Na tau pale loa Tavite mo lana kakai, o taui le kau Kesuli, mo le kau Kisili, ti mo le kau Amaleke ; talie na nonofo a puleaga ana i le fenua talu mei fualoa, mei le potu fenua o Suli o kaku ki Esipito.