Sosue 11:6 - Tosi Tapu

⁶ Na pati loa le Eteleno kia Sosue : Ke aua na ke i kia latou, talie i le aso apogipogi, i le ola leinei, e kau tuku loa latou fuli ke tamate i mua o Iselaele. E ke tuuti loa a ivi o vae o alatou osi ti e ke tutu loa olatou saliote i le afi.

Sosue 11:6 ပူးပေါင်းရင်းမြစ်များ

Lua tosi a Samuele 8:4

Na too loa e Tavite meiate ia a tagata ekeosi e tino afe tino lelau fitu, mo tagata solia saele lalo e tino lua afe ; na tuuti loa e ia a ua o vae o osi o saliote gaoi fuli, kae na tuku loa e ia a osi o saliote tau e kau lelau.

Lua tosi o Sau 6:16

Na tali loa Eliseo : Aua na ke tuania fua, talie e api ake latou ala e kau mo taua ia latou ala e nofo mo latou.

Lua tosi o Koloniko 20:16

I apogipogi, kotou ifo loa kia latou ; e lotou pale mai loa i le mauga o Tesite, ti e kotou maua loa latou i le potupotu o le vaivailiua, i mua o le toafa o Seluele.

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Taagapati 20:7

E saele le tagata agatonu i lona faitotonu ; Manuia ana fanau i ona muli !

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esekiele 39:9

Ti e ulu loa ki fafo a kakai o kolo o Iselaele, E lotou tae loa ti e lotou tutu loa a masafu tau, A paletau liliki mo paletau lalasi, A kalolo mo gasau, A suki mo tao. E lotou tafu loa se afi ki nea ana i fetuu e fitu.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Naume 2:13

Na sae e le laione tagata ki ona uviki, Ti na tamate e ia ki ana laione fafine ; Na fakaapele e ia ona ana ki nea kai Ti mo ona nofoaga ki mate.

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Sosue 10:8

Na pati loa le Eteleno kia Sosue : Ke aua na ke i kia latou, talie e kau tuku loa latou ki ou lima, ti e leaise toe tuu loa se toka tasi o latou i ou mua.

Sosue 11:5

Na lotou fakatuutuu loa se ganea ke lotou fakatasi ki ai, ti na lotou ano loa o nonofo fakatasi o feofi ki vai o Melomi, ke tau ki Iselaele.

Sosue 11:7

Na kaku fakapunamauli loa Sosue mo lona kau solia kia latou i atu vai o Melomi, ti na lotou osoi loa latou.

Sosue 11:9

Na fai loa e Sosue kia latou o mulimuli ki le nea na fakatotonu e le Eteleno kiate ia. Na tuuti loa e ia a ivi o vae o alatou osi, ti na tutu loa e ia olatou saliote i le afi.

Sosue 3:5

Na pati loa Sosue ki le kakai : Ke kotou fakamea, talie i apogipogi e fai loa e le Eteleno ni nea fakaofolele i loto malie o koutou.

Tuifakamaau 20:28

ti ko Finesi, vosa o Eleasale, vosa o Alone, leia na tuu loa i mua o le Eteleno i le temi lena, - ti na lotou pati loa : Pe tonu ke motou toe ano loa o taui omatou fetaina, a vosa o Pesamino, pe tonu ke motou fakafiti ki ai ? Na tali loa le Eteleno : Kotou pale, talie e kau tuku atu loa latou ki okoutou lima i le aso apogipogi.

Tuifakamaau 7:9

Na pati loa le Eteleno kia Seteone i le po lena : Tuu ki aluga, ti ke ifo ki le nofolaga o Matiane, talie kua kau tuku atu a ia ki ou lima.

Uluaki tosi a Samuele 11:9

Na lotou pati loa ki tagata avelogo ala na au mei Sapesi : E kotou masau feneeki loa ki le kakai o Sapesi i Kalaate : I apogipogi e kotou maua loa se tokoi, i le temi e vevela oki ai le laa. Na ave loa e tagata avelogo le logo lena kia latou i Sapesi, ti na lotou fiafia lasi ai ;