Sosue 11:23 - Tosi Tapu

²³ Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Sosue 11:23 ပူးပေါင်းရင်းမြစ်များ

Neemia 9:24

Ti na ulu loa olatou vosa o maua le fenua, ti na ke fakagaegae loa i olatou mua le kakai o le fenua o Kanaane, ti na ke tuku loa olatou sau mo le kakai o le fenua ki olatou lima, o tupu ke lotou fai kia latou o mulimuli ki olatou loto.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Ekesote 34:11

Tokaga ki le nea leia e kau fakatotonu kiate koe i le aso nei. Ko leinei, e kau kapu loa i ou mua le kau Amole, mo le kau Kanaane, mo le kau Eti, mo le kau Felesi, mo le kau Evi, mo le kau Sepusi.

Esekiele 45:8

Koia e maua loa e tama aliki lolatou kele totonu i Iselaele. E leaise lotou toe fakamakeke loa le kakai o le Aliki, ti e lotou tuku loa le toe o le fenua ki faasiga o Iselaele.

Tetelonome 1:38

Kae ko Sosue, vosa o Nune, leia e fakasausau kiate koe, e ulu loa ki le fenua. Fakamakekei a ia, talie ko ia leia e fakaulu ia loa Iselaele ki le fenua leia ko lona tofiga.

Tetelonome 25:19

Koia ka saofaki ai loa a koe e le Eteleno, lou Atua, mei ou fili fuli ala e takatakai ia a koe, ti ka tuku atu loa e ia kiate koe le malolo i le fenua leia e soli atu loa kiate koe e le Eteleno, lou Atua, ke ke maua tofiga, ke ke soloi oki loa le igoa o Amaleke i lalo o le lagi : Ke aua na galo iate koe le nea lena !

Sosue 11:18

Na fai loa e Sosue le tau ki sau fuli ana o fualoa.

Sosue 12:7

Ko nei a sau ala na tamate loa e Sosue mo fanau a Iselaele i le fetuu leinei o le Solotane, le fetuu uesite, mei Paale-Kati i le vaivailiua o Lipane o kaku ki le mauga tula leia e feofi ki Seili. Na soli loa e Sosue olatou fenua ki fanau a Iselaele, o vae i olatou faasiga :

Sosue 18:10

Na fai loa e Sosue kia latou le toso i Silo i mua o le Eteleno, ti na tufa loa e ia a vaega e fitu o le fenua ki fanau a Iselaele, o soli ki le faasiga taki tasi lona vaega.

Sosue 22:4

I le aso nei kua soli ai e le Eteleno, lokoutou Atua, le malolo ki okoutou fetaina, o fai ki le nea leia na pati a ia kia latou, kotou toe liliu la o ano ki okoutou falela, i le fenua leia kua kotou maua, leia na soli atu kia koutou e Moisese, tagata fakasausau a le Eteleno i le fetuu esite o le Solotane.

Sosue 23:1

Na sili loa se temi fualoa ki le soli e le Eteleno o le malolo ki Iselaele, o saofaki a ia mei fili fuli ala na takatakai ia a ia. Kua kaku loa Sosue o matua, ti kua lasi ai ona fetuu.