Sosue 11:21 - Tosi Tapu

²¹ I le temi foki lena, na toe ano loa Sosue o taui le kau Anake ala na nonofo i mauga o Epelone, mo Tepile, mo Anape, mo mauga fuli o Suta ti mo mauga fuli o Iselaele. Na tamate loa latou fuli e Sosue ti na maumaui katoa loa e ia olatou kolo.

Sosue 11:21 ပူးပေါင်းရင်းမြစ်များ

Tetelonome 9:2

mo se kakai makeke mo lalasi, ko fanau a Anake, ala e ke iloa, ti na ke logo e pati ki ai : ko ai e feala loa ke tuu i mua o vosa o Anake ?

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Apokalipisi 6:2

Ti na kau tio loa, ti ko leinei na sa mai loa se osi tea. Ko leia na eke i ai na nofo mo se kalolo ; ti na soli loa kiate ia se pala, ti na ano loa a ia ofaipe se tagata malo ke toe malo.

Amosi 2:9

Kae na kau maumaui i olatou mua le kau Amole, Ala na taualuga ofaipe ni sete, Ti na makeke ofaipe ni sene ; Na kau maumaui olatou fua i aluga, Ti mo olatou aka i lalo.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Selemia 3:23

Io, ko le loi katoa le logoa leia e au mei mauga liliki mo mauga lalasi ; Io, ko le Eteleno, lomatou Atua leia e maua ai le fakamauli o Iselaele.

Tuifakamaau 1:20

Na soli loa kia Kalepo a Epelone, o mulimuli ki le pati a Moisese ; ti na kapu loa e Kalepo a vosa e tolu o Anake.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Tetelonome 2:21

Ko se kakai a ia na makeke, mo api, mo lalasi, ofaipe le kau Anake. Na maumaui loa latou e le Eteleno i mua o le kau Amone, leia na kapu ia loa latou kae lotou nofo loa i lolatou fenua.

Numelo 13:33

Na motou tio foki i ai ki ni tagata lalasi fakaii, ko vosa o Anake : I lamatou tio na motou fai kia latou pe ni seseivaka, ti na toe felaaki foki lalatou tio kia matou.