Sosue 11:14 - Tosi Tapu

¹⁴ Na too loa e fanau a Iselaele kia latou a koloa fuli ti mo manu ala na lotou maua i kolo ana, kae na lotou taai loa ki le mata o le seleta le kakai katoa, ti na leaise lotou tuku loa ke mauli se fa toka tasi.

Sosue 11:14 ပူးပေါင်းရင်းမြစ်များ

Lua tosi o Koloniko 20:25

Na ano loa Sosafate mo lona kakai o tae a koloa o le kau mate, ti na lotou maua loa ni koloa lasi ai, mo ni nea mauiga, ti na lotou tae loa ni koloa o lasi ake i le nea na mafai ke lotou ave. Na aso tolu lalatou tae a koloa, talie na lasi ai.

Numelo 31:9

Kae na fakapilisoni loa e fanau a Iselaele a fafine mo toe o Matiane, ti na lotou too loa alatou kau manu lalasi fuli, mo alatou kau manu liliki fuli, mo alatou koloa fuli.

Tetelonome 20:14

Kae e ke too loa kiate koe a fafine, mo toe, mo manu, mo nea fuli ala e maua loa i le kolo, io le koloa katoa o le tau, ti e ke kai loa le koloa o ou fili ala e tuku atu loa e le Eteleno lou Atua kiate koe.

Tetelonome 20:16

Kae ki kolo o puleaga ala e soli atu loa kiate koe e le Eteleno, lokoutou Atua, ke ke maua tofiga lolatou fenua, ke aua na ke tuku loa le mauli ki se nea leia e tukumanava.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 11:11

Ti na tamate loa e ia ki le mata o le seleta a kakai fuli na maua i le kolo ; na leaise toe sao loa se fa toka tasi ti na tutu foki e ia ki le afi le kolo ko Asoli.

Sosue 11:13

Kae na leaise tutu loa e Iselaele se kolo fua e tasi o kolo ala na tuu i aluga o mauga liliki, gato fai ki Asoli leia na tutu e Sosue.

Sosue 11:15

Na fai loa e Sosue a fakatotonu a le Eteleno ki lona tagata fakasausau ko Moisese, ti na toe tuku loa e Moisese kia Sosue ; na leaise tiaki noa loa e ia se nea fua e tasi i nea fuli ala na fakatotonu e le Eteleno kia Moisese.

Sosue 8:2

Ke ke fai loa ki le kolo ko Ai mo lona sau le nea leia na ke fai ki le kolo ko Seliko mo lona sau. Kae ke kotou too loa ma koutou a koloa mo manu ala e kotou maua loa i ai. Ke ke teuteui se oso fakapunamauli ki le kolo mei ona muli.

Sosue 8:27

O mulimuli ki le fakatotonu leia na tuku e le Eteleno kia Sosue, na too loa e fanau a Iselaele kia latou a koloa mo manu ala na maua i le kolo.