Sosue 10:40 - Tosi Tapu

⁴⁰ Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 10:40 ပူးပေါင်းရင်းမြစ်များ

Uluaki tosi o Sau 15:29

I lona temi sau, na tamate loa e Paesa le fale katoa o Selopoamo, ti na leaise fakamauli fua e ia se tasi, kae na maumaui loa e ia a nea fuli na tukumanava, o mulimuli ki le folafola leia na fakasa e le Eteleno i le gutu o lana tagata fakasausau ko Akisa i Silo,

Neemia 9:24

Ti na ulu loa olatou vosa o maua le fenua, ti na ke fakagaegae loa i olatou mua le kakai o le fenua o Kanaane, ti na ke tuku loa olatou sau mo le kakai o le fenua ki olatou lima, o tupu ke lotou fai kia latou o mulimuli ki olatou loto.

Pesalemo 9:17

E fakasa e le Eteleno lona anoaga totonu, e fakasa e ia lona faitotonu : E sai e ia le tagata agaveli ki le gaoi o ona lima. -Musika. -Manava.

Ekesote 34:12

Tokaga kiate koe, ke aua na ke fai ia se sai mo kakai o le fenua leia e tonu ke ke ulu ki ai, talie e lotou liliu loa ko se masele kiate koe.

Numelo 13:17

Na kakau loa latou e Moisese ke ano o tioi le fenua o Kanaane. Na pati loa a ia kia latou : Kotou pale loa i leinei, i le ala o le Saute, ti kotou pale loa ki le mauga.

Tetelonome 1:7

Kotou maliu, o ano ; kotou ano ki le mauga o le kau Amole, mo fenua ala e ofi ki ai, i le fenua laumalie, i le fenua o mauga liliki, i le fenua o le Solotane, i le fenua saute, i le fenua o le mata tai, i le fenua o le kau Kanaane mo le Lipane, o kaku ki le vaitafe lasi ko le Eufalate.

Tetelonome 2:34

Na tou too loa i le temi lena ona kolo fuli, ti na tou tamate loa latou fuli, tagata, mo fafine, mo toe, o leaise sao fua se fa toka tasi.

Tetelonome 7:24

E tuku loa e ia olatou sau ki ou lima, ti e ke fakapuli loa olatou igoa i lalo o le lagi : e leaise toe tuu loa se tasi i ou mua, o kaku ki lau maumaui latou fuli.

Sosue 10:35

Ti na lotou too loa a ia i le aso e tasi, ti na lotou taai loa ki le mata o le seleta le kakai fuli na nofo i le kolo. Na fai loa e Sosue ki Ekeloni le nea leia na fai e ia kia Lakisi.

Sosue 10:37

Ti na lotou too loa a ia, ti na lotou taai loa ki le mata o le seleta le kolo, mo lona sau, mo kolo fuli na fakalogo ki ai ti mo kakai fuli na nofo i ai ofaipe le nea leia na fai e ia ki Ekeloni. Na maumaui loa e Sosue le kolo katoa, ti na tamate loa e ia le kakai fuli na nofo i ai, o leaise toe sao se fa toka tasi.

Sosue 10:39

Ti na lotou too loa le kolo mo lona sau, ti mo kolo ala na feofi ki ai. Na lotou tamate loa le kakai fuli, o leaise toe sao se fa toka tasi. Ti na fai loa e Sosue ki Tepile mo lona sau o tatau mo lana fai ki Epelone ti mo lana fai ki Lipina mo lona sau.

Sosue 11:16

Na fenaaki le maua loa e Sosue o le fenua katoa lena : le fenua o le mauga, le fenua katoa o le saute, le fenua katoa o Koseni, le fenua taulalo, le fenua o le vaivailiua o le Solotane, mo le fenua o mauga o Iselaele, ti mo le toafa o le potu noleto,

Sosue 12:8

le mauga, mo le fenua taulalo, mo le fenua o le vaivailiua o le Solotane, mo le fenua fakamaifo, mo le fenua o le toafa, ti mo le fenua o le saute ; fenua o le kau Eti, mo le kau Amole, mo le kau Kanaane, mo le kau Pelesi, mo le kau Evi, ti mo le kau Sepusi.

Sosue 18:21

Ko kolo o le faasiga o vosa o Pesamino, o mulimuli ki olatou kutuga, ko Seliko, mo Pete-Okala, mo Emeki-Ketesi ;

Sosue 6:17

Ke maumaui loa le kolo mo nea fuli e maua i ai, talie kua fakatapui a ia ki le Eteleno. Kae e tuku loa le mauli ki le fafine faiaga ko Laape ti mo latou fuli ala e nonofo loa mo ia i lona loto fale, talie na fakamumuni e ia a tagata avelogo ala na tou kakau.

Sosue 8:2

Ke ke fai loa ki le kolo ko Ai mo lona sau le nea leia na ke fai ki le kolo ko Seliko mo lona sau. Kae ke kotou too loa ma koutou a koloa mo manu ala e kotou maua loa i ai. Ke ke teuteui se oso fakapunamauli ki le kolo mei ona muli.

Sosue 8:27

O mulimuli ki le fakatotonu leia na tuku e le Eteleno kia Sosue, na too loa e fanau a Iselaele kia latou a koloa mo manu ala na maua i le kolo.

Sosue 9:24

Na tali loa le kau Kapaone kia Sosue, o pati : Kua logo au tagata fakasausau ki fakatotonu a le Eteleno, lou Atua, ki lana tagata fakasausau ko Moisese, ke soli kia koutou le fenua katoa leinei, ti ke tamate ona kakai fuli i mua o koutou, ti na motou i lasi loa kia koutou ti na matou loto gaegae loa o uiga mo omatou mauli : ko le tupuaga a ia o lamatou fai le puleaki lena.