Sosue 10:37 - Tosi Tapu

³⁷ Ti na lotou too loa a ia, ti na lotou taai loa ki le mata o le seleta le kolo, mo lona sau, mo kolo fuli na fakalogo ki ai ti mo kakai fuli na nofo i ai ofaipe le nea leia na fai e ia ki Ekeloni. Na maumaui loa e Sosue le kolo katoa, ti na tamate loa e ia le kakai fuli na nofo i ai, o leaise toe sao se fa toka tasi.

Sosue 10:37 ပူးပေါင်းရင်းမြစ်များ

Ekesote 17:13

Ti na malo loa Sosue ia Amaleke mo lona kakai i le tau.

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.

Sosue 10:35

Ti na lotou too loa a ia i le aso e tasi, ti na lotou taai loa ki le mata o le seleta le kakai fuli na nofo i le kolo. Na fai loa e Sosue ki Ekeloni le nea leia na fai e ia kia Lakisi.

Sosue 10:36

Na mavae loa Sosue mo fanau fuli o Iselaele i Ekeloni o ano ki Epelone, ti na lotou taui loa a ia.

Sosue 10:38

Na maliu loa Sosue mo fanau fuli o Iselaele ki Tepile o taui a ia.

Sosue 10:39

Ti na lotou too loa le kolo mo lona sau, ti mo kolo ala na feofi ki ai. Na lotou tamate loa le kakai fuli, o leaise toe sao se fa toka tasi. Ti na fai loa e Sosue ki Tepile mo lona sau o tatau mo lana fai ki Epelone ti mo lana fai ki Lipina mo lona sau.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 11:12

Na toe too foki e Sosue a kolo fuli o sau ana, ti mo olatou sau, ti na tamate loa e ia latou ki le mata o le seleta, ti na tamate e ia latou fuli, o mulimuli ki le fakatotonu na tuku kiate ia e Moisese, tagata fakasausau a le Eteleno.