Sosue 10:30 - Tosi Tapu

³⁰ Na toe tuku loa e le Eteleno a Lipina mo lona sau ki lima o fanau a Iselaele. Ti na lotou taai a ia ki le mata o le seleta ti mo le kakai fuli na nofo i ai. Na leaise lotou tuku ke sao se fa toka tasi, ti na lotou fai loa ki lona sau le nea leia na lotou fai ki le sau o Seliko.

Sosue 10:30 ပူးပေါင်းရင်းမြစ်များ

Lua tosi o Sau 10:11

Ti na tamate loa e Seu latou fuli ala na toe i le famili o Akapo i Siseleele, lana kau lalasi fuli, mo ona kaiga, ti mo ana minisi, ti na leaise sao fua se fa toka tasi.

Numelo 32:22

ti kapau e kotou toe liliu loa i le oki o le fakalogo o le fenua lena ki le Eteleno, e kotou lauatea loa i mua o le Eteleno mo Iselaele, ti e liliu loa le fenua leinei ko lokoutou tofiga i mua o le Eteleno.

Tetelonome 2:33

Na tuku mai loa latou e le Eteleno, lotatou Atua, ki otatou lima, ti na tou tamate loa a ia, mo ona vosa, mo lona kakai katoa.

Tetelonome 7:2

E tuku atu loa e ia latou kiate koe, ke ke pule kia latou, ti e ke malo loa ia latou, ti e ke tamate loa latou. Ke aua na ke fai loa se sai mo latou, ti ke aua na ke maua ia loa se ga alofa fakaikiiki fua kia latou.

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.

Sosue 10:29

Na mavae loa Sosue mo fanau fuli o Iselaele i Maketa, o ano ki Lipina o taui a ia.

Sosue 10:31

Na mavae loa Sosue mo fanau fuli o Iselaele i Lipina o ano ki Lakisi : Na lotou fakatuu loa lolatou nofolaga i mua o le kolo, ti na lotou taui loa a ia.

Sosue 11:12

Na toe too foki e Sosue a kolo fuli o sau ana, ti mo olatou sau, ti na tamate loa e ia latou ki le mata o le seleta, ti na tamate e ia latou fuli, o mulimuli ki le fakatotonu na tuku kiate ia e Moisese, tagata fakasausau a le Eteleno.

Sosue 12:15

ko le sau o Lipina, tasi ; ko le sau o Atulami, tasi ;

Sosue 8:24

I le oki loa o le tamate e Iselaele o le kakai fuli o Ai o kaku ki le fakamulimuli, i fafo o le kolo, i le toafa leia na lotou tuli ki ai le kakai o Iselaele, na toe liliu loa Iselaele ki Ai o tamate latou fuli ala na toe i ai.

Sosue 8:29

Na tautau e ia ki se laakau le sau o Ai, o tuku a ia i ai o kaku ki le afiafi. I le vilo o le laa na tuku loa e Sosue le fakatotonu ke tatala le tino mei le laakau. Ti na ti loa a ia ki tafa o le matapa o le kolo, ti na fakatuu loa i ona aluga se tuuga fatu lasi, leia koi tuu i le aso nei.

Sosue 9:3

I lolatou fetuu, na logo foki le kakai o Kapaone, kakai Evi, ki le nea leia na fai e Sosue ki Seliko mo Ai,