Sosue 10:29 - Tosi Tapu

²⁹ Na mavae loa Sosue mo fanau fuli o Iselaele i Maketa, o ano ki Lipina o taui a ia.

Sosue 10:29 ပူးပေါင်းရင်းမြစ်များ

Lua tosi o Sau 19:8

Koia na toe mavae loa Lapesake, ti na maua loa e ia le sau o Asilia leia na lolotoga taui ia Lipena, talie na maua e ia le logo kua mavae le sau mei Lakisi.

Lua tosi o Sau 8:22

Na fai le agatuu a Etome ki Suta o kaku mai ki le aso nei. Na toe agatuu foki Lipina i le temi totonu lena.

Lua tosi o Koloniko 21:10

Na talu mei ai le agatuu a Etome ki le pule a Suta o kaku mai ki le aso nei. Na toe agatuu foki Lipena i le temi lena ki le pule a Suta, o tupu na tiaki e Suta le Eteleno, le Atua o ona tamana.

Esaia 37:8

Na foki loa Lapesake ti na maua loa e ia le logo kua mavae lona pule, le sau o Asilia i Lakisi, o ano ke taui Lipena ; ti na maua loa e ia lona pule i ai.

Selemia 52:1

Na kamata sau Setesiasi i lona fetuu kau lua tupu tasi, ti na sau a ia i fetuu e kau agafulu tupu tasi i Selusalemi. Na igoa lona tinana ko Amutale, taine o Selemia mei Lipena.

Numelo 33:20

Na lotou mavae loa i Limoni-Pelesi, ti na lotou nonofo loa i Lipina.

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.

Sosue 10:30

Na toe tuku loa e le Eteleno a Lipina mo lona sau ki lima o fanau a Iselaele. Ti na lotou taai a ia ki le mata o le seleta ti mo le kakai fuli na nofo i ai. Na leaise lotou tuku ke sao se fa toka tasi, ti na lotou fai loa ki lona sau le nea leia na lotou fai ki le sau o Seliko.

Sosue 12:15

ko le sau o Lipina, tasi ; ko le sau o Atulami, tasi ;

Sosue 15:42

Mo Lipina, mo Etele, mo Asani ;

Sosue 21:13

Ti na lotou soli loa ki vosa o le tagata faisakilifisio ko Alone le kolo ulufaga o tagata tukipo, ko Epelone mo ona tua kolo, mo Lipina mo ona tua kolo,

Sosue 6:21

Na lotou tamate loa ki le seleta le kakai katoa o le kolo, a tagata mo fafine, a toe mo matua, mo pipi, mo ovi, ti mo asino.

Sosue 8:2

Ke ke fai loa ki le kolo ko Ai mo lona sau le nea leia na ke fai ki le kolo ko Seliko mo lona sau. Kae ke kotou too loa ma koutou a koloa mo manu ala e kotou maua loa i ai. Ke ke teuteui se oso fakapunamauli ki le kolo mei ona muli.

Sosue 8:29

Na tautau e ia ki se laakau le sau o Ai, o tuku a ia i ai o kaku ki le afiafi. I le vilo o le laa na tuku loa e Sosue le fakatotonu ke tatala le tino mei le laakau. Ti na ti loa a ia ki tafa o le matapa o le kolo, ti na fakatuu loa i ona aluga se tuuga fatu lasi, leia koi tuu i le aso nei.