Sosue 10:27 - Tosi Tapu

²⁷ I le vilo o le laa, na fakatotonu loa e Sosue ke tatala a tino mei laakau, ti na ti loa latou ki le ana leia na lotou mumuni ai, ti na tapono loa le uluaga o le ana ki ni fatu lalasi, ala koi tuku ai o kaku mai ki le aso nei.

Sosue 10:27 ပူးပေါင်းရင်းမြစ်များ

Lua tosi a Samuele 18:17

Na lotou too loa Apesalone, ti na lotou ti loa a ia ki se fa popoko lasi i le vaomatua, ti na lotou laku loa ni fatu i aluga. Na sola loa Iselaele katoa, o tasi ano ki lona falela.

Sosue 4:9

Na fakatuu foki e Sosue ni fatu e kau agafulu tupu lua i loto malie o le Solotane, i le ganea leia na tutuu ai a tagata faisakilifisio ala na amo ia le aleka o le fakapapau, ti koi lotou tutuu i ai o kaku mai ki le aso nei.

Sosue 7:26

Ti na lotou fakatuu loa i ona aluga se tuuga fatu leia koi sa i le aso nei, ti na tafoki loa le Eteleno mei lona sausau. Koia na fakaigoa ai loa le ganea lena ko le popoko o Akole.

Sosue 8:29

Na tautau e ia ki se laakau le sau o Ai, o tuku a ia i ai o kaku ki le afiafi. I le vilo o le laa na tuku loa e Sosue le fakatotonu ke tatala le tino mei le laakau. Ti na ti loa a ia ki tafa o le matapa o le kolo, ti na fakatuu loa i ona aluga se tuuga fatu lasi, leia koi tuu i le aso nei.