Sosue 10:26 - Tosi Tapu

²⁶ I le oki le nea lena, na taai loa latou e Sosue, o lotou mamate ai loa ; na tautau loa e ia latou ki ni laakau e lima, ti na lotou tautau loa i ai o kaku ki le afiafi.

Sosue 10:26 ပူးပေါင်းရင်းမြစ်များ

Lua tosi a Samuele 21:6

ke tuku mai kia matou ni tagata e toka fitu i lona sokoga ti e motou tautau loa latou i mua o le Eteleno i Kipea o Saulo, le filifiliia a le Eteleno. Ti na pati loa le sau : E kau tuku atu loa latou.

Lua tosi a Samuele 21:9

ti na tuku loa e ia latou ki lima o le kau Kapaone, ala na tautau ia loa latou i aluga o le mauga i mua o le Eteleno. Na lotou mamate fakatasi fuli toka fitu ; na tamate latou i uluaki aso o le tuuti o le fulumeto, i le kamataaga o le tuuti o le olese.

Esitele 2:23

Ti na fai loa se afa ki le nea lena, ti na iloa loa lona maoki : Na tautau loa le sa enuke ki se laakau. Ti na tosi loa le nea lena ki le tosi isitolia i mua o le sau.

Pesalemo 149:7

O tupu ke fai le totogi ki atu puleaga, Ke tautea a atu kakai,

Pesalemo 18:41

E ke fakasosola oku fili i oku mua, Ti e kau tapono a gutu o latou ala e vesia kiate au.

Numelo 25:4

Na pati loa le Eteleno kia Moisese : Fakatasii a pule fuli o le kakai, ti ke tautau latou ala kua agasala i mua o le Eteleno, o fakatio latou ki le laa, o tupu ke maliu kese le sausau o le Eteleno i Iselaele.

Mateo 27:25

Ti na tali loa le kakai katoa : Ke vilo lona toto kia matou mo amatou fanau !

Soane 19:31

Ko le aso teuteu lena ki le sapato, ti na leaise loto le kau Sutea ke tuku a tino i koluse i le lolotoga o le sapato, talie ko le sapato lena ko se aso lasi a ia ; koia na lotou kole ai loa kia Pilato ke fatifatii a vae o latou ala na kulusifiko, ti ke too a tino mei koluse.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Sosue 8:29

Na tautau e ia ki se laakau le sau o Ai, o tuku a ia i ai o kaku ki le afiafi. I le vilo o le laa na tuku loa e Sosue le fakatotonu ke tatala le tino mei le laakau. Ti na ti loa a ia ki tafa o le matapa o le kolo, ti na fakatuu loa i ona aluga se tuuga fatu lasi, leia koi tuu i le aso nei.

Tuifakamaau 8:21

Na pati loa Sepaki mo Salamuna kia Seteone : Ko koe totonu leia e tonu ke tuu mai loa o tamate maua, talie ko se tagata maoki leia e tonu ke fai ia loa le nea lena. Ti na tuu ake loa a Seteone ki aluga o tamate a Sepaki mo Salamuna. Ti na too loa e ia o ave ma ana a teu ala na tau i ua o ala kamelo.

Uluaki tosi a Samuele 15:33

Na pati loa Samuele : Ofaipe lau seleta leia na fakaliliu ia ni fafine o sala fanau, e sala vosa loa lou tinana i fafine ana kua sala fanau. Ti na tutuuti loa e Samuele a Akake i mua o le Eteleno, i Kilikale.