Sosue 10:25 - Tosi Tapu

²⁵ Na pati loa Sosue : Ke aua na kotou i, ti ke aua na kotou tuania, kae ke kotou fakaloto makeke ti ke kotou fia tagata, talie e feneeki loa le fai e le Eteleno ki okoutou fili fuli ala ka kotou taui ia loa.

Sosue 10:25 ပူးပေါင်းရင်းမြစ်များ

Pesalemo 63:9

E pipiki loku laumalie kiate koe ; E poupou au e lou lima atamai.

Pesalemo 77:11

E kau pati : Ko le nea leia e kau mamae ai, E leaise koi tatau le lima atamai o le Taualuga…

Loma 8:37

Kae i nea fuli ana, e motou malo lasi i leia e alofa kia tatou.

Lua tosi ki le kau Kolinto 1:10

Ko ia leia na saofaki ia maua mei le mate lasi a ia, ti e toe saofaki loa e ia maua : io, e ma amanaki kiate ia e toe saofaki loa e ia maua ;

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 7:19

a asiasi lalasi ala na tio ki ai ou mata, mo milakulo, mo nea fakaofolele, mo le lima makeke mo le lima falo, i le aso leia na fakamavae ai a koe e le Eteleno, lou Atua. Ko lena le nea leia e fai loa e le Eteleno, lou Atua, ki kakai fuli ala e ke i ki ai.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 10:8

Na pati loa le Eteleno kia Sosue : Ke aua na ke i kia latou, talie e kau tuku loa latou ki ou lima, ti e leaise toe tuu loa se toka tasi o latou i ou mua.

Uluaki tosi a Samuele 17:37

Na toe pati loa Tavite : Ko le Eteleno leia na saofaki ia au mei motikuku o le laione mo vae o le uluso, e toe saofaki ia loa au mei le lima o le Filisitini lena. Ti na pati loa Saulo kia Tavite : Ano, ti ke nofo le Eteleno mo koe !