Sosue 10:24 - Tosi Tapu

²⁴ I le kaku ake o sau ana ki mua o Sosue, na fakatotonu loa e Sosue ke fakatasi ake kiate ia a tagata fuli o Iselaele, ti na pati loa a ia ki pule o le kau tau ala na ano mo ia ki le tau : Kotou fakafeofi mai, ti kotou teki okoutou vae ki ua o sau anei. Na lotou fakafeofi ake loa, ti na lotou teki loa olatou vae ki ua o sau.

Sosue 10:24 ပူးပေါင်းရင်းမြစ်များ

Lua tosi a Samuele 22:39

E kau taai latou, e kau fatifatii latou, ti e leaise lotou toe tutuu ki aluga ; E lotou sisiga i oku vae.

Lua tosi a Samuele 22:41

E ke fakasosola oku fili i oku mua, Ti e kau tamate latou ala e vesia kiate au.

Pesalemo 107:40

E fakamamaei e ia le kau lalasi, Ti e fakafoli e ia latou i ni toafa sala ala.

Pesalemo 110:1

A Tavite. Pesalemo. Folafola a le Eteleno ki loku Aliki : Nofo a koe i loku fetuu atamai, O kaku ki laku fai ki ou fili lou tekiaga vae.

Pesalemo 110:5

Ko le Aliki, i lou fetuu atamai, E fatifati ia ni sau i le aso o lona ita.

Pesalemo 18:40

E ke toi kiate au le makeke ki le tau, E ke peluki ki lalo oku fili i oku mua.

Pesalemo 91:13

E ke saele loa i aluga o le laione mo le gata velo, E ke takatakafi loa le uviki laione mo le talakone.

Esaia 51:23

E kau tuku loa a ia ki le lima o latou ala e fakaveliveli kiate koe, Ala na pati atu kiate koe : Punou ki lalo ke motou saele iate koe ! Ti na ke fakaliliu loa lou tua ko se kele, Ofaipe se ala kia latou ala e saele.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

Loma 16:20

Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !

Tetelonome 33:29

Manuia a koe, Iselaele ! Ko ai e tatau mo koe ? Ko se kakai na saofaki e le Eteleno, Leia ko le paletau e puipui ia a koe, Ti ko le seleta o lou kololia ? E leaise tuu loa ou fili i ou mua, Ti e ke takafi loa ki lou vae olatou ganea taualuga.

Epelo 1:13

Ti ko ai loa i le kau aselo kua pati ki ai le Atua : Ke ke ekeeke i loku fetuu atamai Okaku ke kau fakaliliu ou fili ko lou tekiaga vae ?

Tuifakamaau 8:20

Ti na pati loa Seteone ki lona vosa uluaki ko Setele : Tuu ki aluga o tamate laua ! Kae na leaise tosoi loa e le tama tupulaga lana seleta, talie na i loa a ia, talie na koi muli fua a ia.