Sosue 10:20 - Tosi Tapu

²⁰ I le oki o le tuku e Sosue mo fanau a Iselaele se lava lasi kia latou, ti mo lalatou tamate latou o veli ai, ko latou ala na feala loa ke sao na sosola loa ki kolo tau,

Sosue 10:20 ပူးပေါင်းရင်းမြစ်များ

Lua tosi a Samuele 20:6

Na pati loa Tavite kia Apisai : E lasi ake loa i le veli leia na fai e Apesalone le veli leia ka fai loa kia tatou e Sepa, vosa o Pikili. Too e koe totonu a tagata fakasausau a lou pule, ti ke tuli a ia, talie na maua e ia ni kolo tau, ti ke sao loa a ia ia tatou.

Uluaki tosi o Sau 20:21

Na ulu ake loa le sau o Iselaele, o taai le kau osi mo saliote, ti na tamate fakaveliveli loa e ia le kau Silia.

Lua tosi o Koloniko 13:17

Na taai loa latou e Apisa mo lona kakai ki se tamate lasi, o matea ai loa ni kau tagata tau o Iselaele e tino lelau afe lima.

Selemia 4:5

Kotou fakasa i Suta, kotou kalaga i Selusalemi, Ti kotou pati : Kotou pupusi le fakatagi pupusi i le fenua ! Kotou kalaga i le makeke katoa, ti kotou pati : Kotou fakamaopo mai, ti ke tou ano ki kolo tau !

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Tetelonome 20:16

Kae ki kolo o puleaga ala e soli atu loa kiate koe e le Eteleno, lokoutou Atua, ke ke maua tofiga lolatou fenua, ke aua na ke tuku loa le mauli ki se nea leia e tukumanava.

Sosue 10:10

Na veuki loa latou e le Eteleno i mua o fanau a Iselaele ; ti na tamate loa e Iselaele le kau Amole o lava veli ai i mua o Kapaone, ti na tuli loa e ia latou i le ala leia e pale ki Pete-Oloni, ti na tamate loa e ia latou o kaku ki Aseka mo Maketa.

Sosue 10:19

Kae ko koutou, ke aua na kotou toe tuu, ke kotou soko atu le tuli o okoutou fili, ti ke kotou tuuti le siku o le fili. Ke aua na kotou tuku latou ke ulu ki olatou kolo, talie kua tuku atu latou e le Eteleno, lokoutou Atua, ki okoutou lima.

Sosue 10:21

ti na toe liliu loa le kakai katoa kia Sosue i Maketa i le fimalie. Na leaise toa fua se tasi o le fenua o masau veli ki fanau a Iselaele.

Sosue 11:12

Na toe too foki e Sosue a kolo fuli o sau ana, ti mo olatou sau, ti na tamate loa e ia latou ki le mata o le seleta, ti na tamate e ia latou fuli, o mulimuli ki le fakatotonu na tuku kiate ia e Moisese, tagata fakasausau a le Eteleno.

Sosue 11:8

Na tuku loa latou e le Eteleno ki lima o Iselaele ; na lotou tamate loa latou ti na lotou tuli loa latou o kaku ki le kolo lasi ko Sitone, mo Misilefoti-Maimi, ti mo le vaivailiua o Misipa i le esite ; Na lotou tamate loa latou, o leaise sao loa se fa toka tasi.

Sosue 8:24

I le oki loa o le tamate e Iselaele o le kakai fuli o Ai o kaku ki le fakamulimuli, i fafo o le kolo, i le toafa leia na lotou tuli ki ai le kakai o Iselaele, na toe liliu loa Iselaele ki Ai o tamate latou fuli ala na toe i ai.