Sosue 1:9 - Tosi Tapu

⁹ Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 1:9 ပူးပေါင်းရင်းမြစ်များ

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 39:2

Na nofo loa le Eteleno mo ia, ti na ano loa le manuia mo ia ; na nofo a ia i le fale o lona pule, le tagata Esipito.

Senesi 39:3

Na tio loa lona pule na nofo le Eteleno mo ia, ti na fakamanuia loa e le Eteleno a nea fuli i ona lima.

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:5

Aua na ke i ki se nea, talie e kau nofo mo koe ; E kau toe aumai loa mei le potu esite lou lanu, Ti e kau fakatasi mai loa a koe mei le potu uesite.

Esaia 8:12

Aua na kotou fakaigoa ko le tau a nea fuli ala e fakaigoa e le kakai leinei ko le tau ; Aua na kotou i ki le nea leia e lotou i ki ai, ti aua na kotou lulu.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Akeseo 2:5

E kau agatonu ki le sai leia na kau fai mo koutou I le aso leia na kotou mavae ai i Esipito, Ti e nofo loku Laumalie i loto malie o koutou ; Aua na kotou i !

Gaoi 4:19

Ti na tali loa Petelo mo Soane kia latou : Kotou tio pe totonu i mua o le Atua ke ma fakalogo ake kia koutou i le Atua ;

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Tetelonome 31:28

Ke kotou fakatasii mai ki oku mua a fakamatuatua fuli o okoutou faasiga, mo okoutou ofisa. E kau lau loa a folafola anei ke lotou logo ki ai ti e kau too ia loa le lagi mo le kele ke fakamaoki kia koutou.

Sosue 1:10

Na tuku loa e Sosue le fakatotonu leinei ki le kau ofisa o le kakai :

Sosue 1:17

E motou fakalogo atu loa kiate koe i nea fuli, ofaipe lamatou fakalogo kia Moisese. Ko leia fua ke nofo mo koe le Eteleno, lou Atua, ofaipe lana nofo mo Moisese !

Sosue 1:18

E tautea loa ki le mate a tagata fuli e fakatutuu loa ki lau lagiaki, ti e leaise fakalogo loa ki nea fuli e ke fakatotonu loa ki ai. Ko leia fua ke ke fakamakeke, ti mo ke loto toa !

Sosue 10:25

Na pati loa Sosue : Ke aua na kotou i, ti ke aua na kotou tuania, kae ke kotou fakaloto makeke ti ke kotou fia tagata, talie e feneeki loa le fai e le Eteleno ki okoutou fili fuli ala ka kotou taui ia loa.

Sosue 10:8

Na pati loa le Eteleno kia Sosue : Ke aua na ke i kia latou, talie e kau tuku loa latou ki ou lima, ti e leaise toe tuu loa se toka tasi o latou i ou mua.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 6:27

Na nofo loa le Eteleno mo Sosue, ti na mafola loa lona logologona i le fenua katoa.

Sosue 8:1

Na pati loa le Eteleno kia Sosue : Aua na ke i, ti aua na ke loto gaegae ! too a tagata tau fuli, ti ke tuu ki aluga o ano o taui le kolo ko Ai. Tio, e kau tuku ki lou lima le sau o Ai mo lona kakai katoa, mo lona kolo, ti mo lona fenua.

Tuifakamaau 6:14

Na tagaki loa le Eteleno kiate ia, o pati : Ano mo le makeke lena e nofo mo koe, ti e ke saofaki loa Iselaele i le lima o Matiane. Pe leaise ko au leia e kakau ia a koe ?

Uluaki tosi a Samuele 10:7

I le oki loa o le fakasoko o fakamailoga anei kiate koe, e ke fai loa le nea leia e tonu ke ke aga o fai, talie e nofo le Atua mo koe.