Sosue 1:8 - Tosi Tapu

⁸ Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.

Sosue 1:8 ပူးပေါင်းရင်းမြစ်များ

Senesi 24:63

I se afiafi leia na ano ai loa Isaake o metitasio i faisaga, na siki ake loa ona mata, ti na tio loa a ia : ko leinei e kaku ake ni kamelo.

Lua tosi o Koloniko 26:5

Na fakamalotoloto loa a ia o afa le Atua i le lolotoga o le mauli o Sakalia, leia na poto i le iloa o nea ala na sa mei le Atua ; ti na fakamanuia loa a ia e le Atua i le temi leia na afa ai loa e ia le Eteleno.

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 119:15

E kau metitasio ki au fakatotonu, E kau maua ou ala i oku mua.

Pesalemo 119:97

E kau alofa ai ki lau lao ! E kau metitasio ki ai i le aso katoa.

Pesalemo 119:99

E kau poto ake i oku pule fuli, Talie e kau metitasio au pelesepeto.

Pesalemo 19:14

Ke ke puipui foki lau tagata fakasausau i le kau fia nealasi, Ke aua na lotou pule kiate au ! Ti e kau agatonu loa, o mea i agasala lalasi.

Pesalemo 40:10

E kau fakasa le faitotonu i le fakatasi lasi ; Ko leinei, e leaise kau tapono oku laugutu, Eteleno, e ke iloa a ia !

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Mateo 7:21

Ko latou ala e pati mai kiate au : Aliki, Aliki, e leaise lotou ulu fuli loa ki le Puleaga o Selo, kae e gato fai ki leia e fai ia le finegalo o loku Tamana leia e nofo i le lagi.

Mateo 7:24

Koia, ko leia e logo ki folafola anei e kau fakasa ti e fai ia latou, e tatau loa a ia mo se tagata poto leia na fakatuu ia lona fale i aluga o le utu.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Soane 14:21

Ko leia e maua ia aku fakatotonu ti e fai ia latou, ko ia leia e alofa kiate au. Ko leia e alofa kiate au, e alofa loa loku Tamana kiate ia, ti e kau alofa loa mo au kiate ia, ti e kau fakasa loa au kiate ia.

Efeso 4:29

Ke aua na vilo fua mei lokoutou gutu se masau veli, kae, mo kapau e soko, se masau malie leia e aoga ki le faufau ti mo ave ia se kalasia kia latou ala e logo ki ai.

Tetelonome 29:8

Na tou too loa lolatou fenua ti na tou tuku loa a ia ki le kau Lupeni, mo le kau Kate, mo le vaelua o le kau Manase.

Tetelonome 29:9

Koia ke kotou tausi loa a folafola o le sai leinei ti ke kotou fai loa latou, o tupu ke kotou malo i nea fuli ala e kotou fai loa.

Tetelonome 30:14

Kae ko se nea leia e ofi fua iate koe, i lou gutu mo lou loto, o tupu ke ke fai a ia.

Tetelonome 31:11

i le aso leia e ano ai loa Iselaele katoa ki mua o le Eteleno, lou Atua, i le ganea leia e filifili loa e ia, e ke lau loa le lao leinei i mua o Iselaele katoa, o tupu ke lotou logo ki ai.

Tetelonome 31:24

I le oki o le tosi katoa e Moisese i se tosi a folafola o le lao lena,

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 5:32

Koia ke kotou tokaga ai o fai le nea leia na fakatotonu kia koutou e le Eteleno, lokoutou Atua. Ke aua na kotou maliu loa ki le fetuu atamai pe ko le fetuu sema.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 8:34

Ti na lau loa e Sosue a folafola fuli o le lao, a tapuakina mo malaia, o mulimuli ki nea fuli kua tosi i le tosi o le lao.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !